ଫେଙ୍ଗସୁଇ ଉଭୟ ସକାରାତ୍ମକ ଓ ନକରାତ୍ମକ ଶକ୍ତି ଉପରେ ଆଧାରିତ। ଘରେ ସକାରାତ୍ମକ ଶକ୍ତି ଥିଲେ ସମସ୍ତ କ୍ଷେତ୍ରରେ ଉନ୍ନତି ହୋଇଥାଏ। ଏହାସହ ସଫଳତା ମଧ୍ୟ ପ୍ରାପ୍ତି ହୋଇଥାଏ। କିନ୍ତୁ ନକରାତ୍ମକ ଶକ୍ତି ରହିଥିଲେ ଅନେକ ବାଧାବିଘ୍ନର ସମ୍ମୁଖୀନ ହେବାକୁ ପଡିଥାଏ। ଫେଙ୍ଗସୁଇ ଅନୁସାରେ, ଘରେ ଲାଲ ରିବନରେ ବନ୍ଧା ହୋଇଥିବା କଏନ ରଖିବା ଶୁଭ ହୋଇଥାଏ। ଏହାଦ୍ବାରା ପରିବାର ସଦସ୍ୟଙ୍କୁ ଅନେକ ଲାଭ ମିଳିଥାଏ। ଆସନ୍ତୁ ଜାଣିବା ସେସବୁ କ’ଣ ..
ଫେଙ୍ଗସୁଇ ଅନୁସାରେ, ଲାଲ ରିବନ ବନ୍ଧା ଥିବା କଏନ ଘରେ ରଖିବା ଦ୍ବାରା ଶୁଭ ଫଳ ପ୍ରାପ୍ତି ହୋଇଥାଏ। ଏହାଦ୍ବାରା ଘରର ପରିବେଶରେ ନକରାତ୍ମକ ଶକ୍ତି ନଷ୍ଟ ହୋଇଯାଏ। ଏବଂ ସକାରାତ୍ମକ ଶକ୍ତି ବୃଦ୍ଧି ପାଇଥାଏ।
ଘରର ମୁଖ୍ୟଦ୍ବାର ନିକଟରେ ଭିତରକୁ ଲାଲ ରିବନ ବନ୍ଧା ଥିବା କଏନ ଲଗାଇବା ଦ୍ବାରା ସମସ୍ତ କାର୍ଯ୍ୟରେ ସଫଳତା ମିଳିଥାଏ।
ଦୋକାନ କିମ୍ବା କାର୍ଯ୍ୟାଳୟରେ ବ୍ୟବସାୟରେ ସଫଳତା ପାଇବା ପାଇଁ ମୁଖ୍ୟଦ୍ବାରରେ ଲାଲ ରିବନ ବନ୍ଧା ଥିବା ତିନୋଟି କଏନ ଲଗାଇ ଦିଅନ୍ତୁ।
ଚାକିରୀ କ୍ଷେତ୍ରରେ ଉନ୍ନତି ପାଇଁ ଶୟନ କକ୍ଷର ଦକ୍ଷିଣ ଦିଗରେ ତିନୋଟି କଏନ ଲଟକାଇ ଦିଅନ୍ତୁ।
ଫେଙ୍ଗସୁଇର ଏହି କଏନକୁ ଲକର କିମ୍ବା ଆଲମାରୀରେ ଲଗାଇ ପାରିବେ।
ମାନସିକ ଚିନ୍ତା ଦୂର କରିବା ପାଇଁ ଘରର ମୁଖ୍ୟ କକ୍ଷର କବାଟରେ କଏନ ବାନ୍ଧନ୍ତୁ।
ସଫଳତା ପ୍ରାପ୍ତି ପାଇଁ ଏକ ଛୋଟ କଏନକୁ ନିଜ ପର୍ସରେ ରଖନ୍ତୁ।
