ପାତ୍ରପୁର:ପାତ୍ରପୁର ତହସିଲ କେଶରୀପଡ଼ା ଗ୍ରାମ ନିକଟରେ ଅମଳ ହୋଇଥିବା ଧାନଗଦାରେ ବୁଧବାର ରାତିରେ ନିଆଁ ଲାଗି ଲକ୍ଷାଧିକ ଟଙ୍କାର ଧାନ ପୋଡ଼ି ପାଉଁଶ ହୋଇଯାଇଛି। ମେସିନ ଦ୍ବାରା ଧାନ ଅମଳ କରି ଏହି ଗ୍ରାମର ବି ଅଘୋରି, ରାବଡା ଆପାରାଓ, ରାବଡା ମାଧବ ରାଓ, ଏମ ଆନନ୍ଦ ରାଓ, ବି ଚନ୍ଦ୍ରମା ଓ ଏମ ପାପାରାଓ ପ୍ରମୁଖ ପ୍ରାୟ ଦେଢ଼ଶହ ବସ୍ତାରୁ ଉର୍ଦ୍ଧ ଧାନ ଗଦା କରି ରଖିଥିଲେ।
ବୁଧବାର ରାତିରେ ଧାନଗଦା ଜଳୁଥିବା ଗ୍ରାମବାସୀ ଜାଣିପାରି ନିଆଁକୁ ଲିଭାଇବା ପାଇଁ ଉଦ୍ୟମ କରିବା ସହ ଦମକଳ କେନ୍ଦ୍ରକୁ ଖବର ଦେଇଥିଲେ। ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ଯ ଧାନ ପୋଡ଼ି ଯାଇଥିବାରୁ ଚାଷୀମାନେ ସମ୍ପୂର୍ଣ୍ଣ ରୂପେ ଭାଙ୍ଗି ପଡିଛନ୍ତି। ଖବର ପାଇ ରାଜସ୍ବ ବିଭାଗ ଘଟଣା ସ୍ଥଳରେ ପହଞ୍ଚି କ୍ଷୟକ୍ଷତି ଆକଳନ କରିଥିବା ବେଳେ ଚାଷୀଙ୍କୁ କ୍ଷତିପୂରଣ ପ୍ରଦାନ କରିବା ପାଇଁ ଦାବୀ କରିଛନ୍ତି।
