ଡେସ୍କ: ଅଷ୍ଟାଦଶ ଲୋକସଭା ପାଇଁ ସାଧାରଣ ନିର୍ବାଚନ ପରେ ଲୋକସଭାର ପ୍ରଥମ ଅଧିବେଶନ ଜୁନ୍୨୪ରେ ଓ ରାଜ୍ୟସଭାର ୨୬୪ତମ ଅଧିବେଶନ ଜୁନ ୨୭ ତାରିଖରେ ଆରମ୍ଭ ହୋଇଥିଲା। ଗତକାଲି ଲୋକସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖାଯାଇଥିବା ବେଳେ ଆଜି ଅର୍ଥାତ୍ ଜୁଲାଇ ୩ରେ ରାଜ୍ୟସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖାଯାଇଛି।
ମହାକାଶରୁ ଠିକ୍ ସମୟରେ ନ ଫେରିଲେ ଏହି ରୋଗର ଶିକାର ହୋଇପାରନ୍ତି ସୁନୀତା
ଆଜି ନୂଆଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ସଂସଦର ଏହି ଅଧିବେଶନର କାର୍ଯ୍ୟଧାରା ସମ୍ପର୍କରେ ବିସ୍ତୃତ ସୂଚନା ଦେଇଛନ୍ତି। ଲୋକସଭାର ପ୍ରଥମ ଦୁଇ ଦିନରେ କେବଳ ଅଷ୍ଟାଦଶ ଲୋକସଭାର ନବନିର୍ବାଚିତ ସଦସ୍ୟ ଶପଥ ଗ୍ରହଣ କରିଥିଲେ। ଅଧିବେଶନରେ ସମୁଦାୟ ୫୪୨ ଜଣ ସଦସ୍ୟଙ୍କ ମଧ୍ୟରୁ ୫୩୯ ଜଣ ଶପଥ ନେଇଥିଲେ। ଜୁନ୍ ୨୬ରେ ଲୋକସଭାର ବାଚସ୍ପତି ନିର୍ବାଚନ ଅନୁଷ୍ଠିତ ହୋଇଥିଲା। ଜୁନ୍୨୭ରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସଂସଦର ଉଭୟ ଗୃହକୁ ସମ୍ବୋଧିତ କରିଥିଲେ।
ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ଜୁଲାଇ ପହିଲାରେ ଆଲୋଚନା ଆରମ୍ଭ ହୋଇଥିଲା।ଲୋକସଭାରେ ୬୮ ଜଣ ସଦସ୍ୟ ବିତର୍କରେ ଭାଗ ନେଇଥିବା ବେଳେ ୫୦ରୁ ଅଧିକ ସଦସ୍ୟ ନିଜର ବକ୍ତବ୍ୟ ରଖିଥିଲେ। ଲୋକସଭାରେ ପାଖାପାଖି ୩୪ ଘଂଟାର ୭ଟି ଅଧିବେଶନ ହୋଇଥିଲା ଏବଂ ୧୦୫% ସଫଳତା ମିଳିଥିଲା।
ରାଜ୍ୟସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ଆଲୋଚନାରେ ୭୬ ଜଣ ସଦସ୍ୟ ୨୧ ଘଣ୍ଟାରୁ ଅଧିକ ସମୟ ଧରି ଆଲୋଚନା କରିଥିଲେ। ରାଜ୍ୟସଭାର ମୋଟ ସଫଳତା ୧୦୦% ରୁ ଅଧିକ ରହିଛି।
୪ ବର୍ଷ ବିଳମ୍ବ ପାଇଁ ଏନଆଇଏକୁ କଡ଼ା ସମାଲୋଚନା, ଅଭିଯୁକ୍ତଙ୍କୁ ଜାମିନ ଦେଲେ ସୁପ୍ରିମକୋର୍ଟ
