କାମରେ ବ୍ୟସ୍ତ ଅଛନ୍ତି ଏହି ପୂର୍ବତନ ବିଶ୍ବସୁନ୍ଦରୀ। ତେବେ ତାଙ୍କର ଏବେ ଜୋରଦାର୍ ସପିଂ ଚାଲିଛି। କାରଣ ପୂରା ବିଶ୍ବ ପ୍ରତୀକ୍ଷା କରିଥିବା ରାଜପରିବାରର ବିବାହରେ ସେ ଅତିଥି ଭାବେ ଯୋଗଦେବାକୁ ଯାଉଛନ୍ତି। ବ୍ରିଟେନ୍ ରାଜପରିବାର ଯୁବରାଜ ହ୍ୟାରି ଓ ଅଭିନେତ୍ରୀ ମେଘନ୍ ମାର୍କଲେଙ୍କ ବିବାହ ଖୁବ୍ ଶୀଘ୍ର ଅନୁଷ୍ଠିତ ହେବାକୁ ଯାଉଛି। ମେଘନ୍ ଓ ପ୍ରିୟଙ୍କା ଘନିଷ୍ଠ ବାନ୍ଧବୀ। ହଲିଉଡରେ କାମ କରିବା ପରେ ପ୍ରିୟଙ୍କା-ମେଘନଙ୍କର ନିବିଡ଼ତା ବଢ଼ିଥିଲା। ନିୟମିତ ଭାବେ ସେମାନେ ଏକତ୍ର ରେସ୍ତୋରାଁରେ ଭୋଜନ କରୁଥିବାବେଳେ ପିକନିକରେ ମଧ୍ୟ ଯାଇଥାନ୍ତି।
କିଛିଦିନ ତଳେ ଏକ ସାକ୍ଷାତକାରରେ ପ୍ରିୟଙ୍କା କହିଛନ୍ତି, ମେଘନଙ୍କ ବିବାହ ଖବର ଶୁଣିବା ପରେ ସେ ଖୁବ୍ ଉତ୍ସାହିତ ଅଛନ୍ତି। ଦୁଇ ବାନ୍ଧବୀ ଏବେ ମଧ୍ୟ ଫୋନରେ ଯୋଗାଯୋଗ ରଖିଛନ୍ତି। ତେବେ ରାଜପରିବାର ବିବାହରେ ଯୋଗଦେବେ କି ନାହିଁ, ଏ ନେଇ କିଛି ସ୍ପଷ୍ଟ କରିନାହାନ୍ତି ପ୍ରିୟଙ୍କା।
