ସମାଜ ଡିଜିଟାଲ ଡେସ୍କ: ପୁଣେର ସ୍ଵତନ୍ତ୍ର ଏମପି ଏମଏଲଏ କୋର୍ଟ ଶୁକବ୍ରାର କଂଗ୍ରେସ ସାଂସଦ ତଥା ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ଜାମିନ ପ୍ରଦାନ କରିଛନ୍ତି। ଭି.ଡି. ସାବରକରଙ୍କ ବିରୋଧରେ ଅପମାନଜନକ ମନ୍ତବ୍ୟ ଦେବା ନେଇ ରାହୁଲଙ୍କ ବିରୋଧରେ ମାନହାନି ମକଦ୍ଦମା ରୁଜୁ ହୋଇଥିଲା। ୨୦୨୩ ମସିହାରେ ରାହୁଲ ଗାନ୍ଧୀ ଲଣ୍ଡନରେ ଏକ କାର୍ଯ୍ୟକ୍ରମରେ ସାବରକରଙ୍କ ଚିନ୍ତାଧାରାକୁ ନେଇ ଅପମାନଜନକ ମନ୍ତବ୍ୟ ଦେଇଥିବା ଅଭିଯୋଗ କରିଥିଲେ ସାବରକରଙ୍କ ଜଣେ ସମ୍ପର୍କୀୟ। ଏ ନେଇ ସେ ଅଦାଲତରେ ରାହୁଲଙ୍କ ବିରୋଧରେ ମକଦ୍ଦମା ଦାୟର କରିଥିଲେ। ଏହି ମାମଲାରେ କୋର୍ଟ ରାହୁଲଙ୍କୁ ୨୫ ହଜାର ଟଙ୍କାର ବନ୍ଧକ ମୁଚାଲିକାରେ ଜାମିନ ଦେଇଛନ୍ତି। ବରିଷ୍ଠ କଂଗ୍ରେସ ନେତା ମୋହନ ଯୋଶୀ କୋର୍ଟରେ ବନ୍ଧକ ମୁଚାଲିକା ପ୍ରଦାନ କରିଥିଲେ।
Popular Categories
Previous article
Next article