ଇସଲାମାବାଦ : ପାକିସ୍ତାନର ପୂର୍ବତନ ଫାଷ୍ଟ ବୋଲର ସୋଏବ ଅଖତାର ଗୁରୁବାର ପାକିସ୍ତାନ କ୍ରିକେଟ ବୋର୍ଡ (ପିସିବି) ଅଧ୍ୟକ୍ଷଙ୍କ ପରାମର୍ଶଦାତା ପଦରୁ ଇସ୍ତଫା ଦେଇଛନ୍ତି। ପୂର୍ବତନ ଅଧ୍ୟକ୍ଷ ନଜମ ସେଠିଙ୍କ କାର୍ଯ୍ୟକାଳରେ ସୋଏବଙ୍କୁ ଏହି ପଦରେ ନିଯୁକ୍ତି ଦିଆଯାଇଥିଲା। ନିକଟରେ ପିସିବି ଅଧ୍ୟକ୍ଷ ପଦରେ ପରିବର୍ତ୍ତନ ଘଟିବାପରେ ଏହି ଦାୟିତ୍ୱରେ ରହିବା ଯୁକ୍ତିସଙ୍ଗତ ନୁହେଁ ବୋଲି ସୋଏବ ତାଙ୍କ ପ୍ରତିକ୍ରିୟାରେ କହିଛନ୍ତି। ସୂଚନାଯୋଗ୍ୟ ଇମ୍ରାନ ଖାନ୍ ପାକ୍ ପ୍ରଧାନମନ୍ତ୍ରୀ ହେବାପରେ ନଜମ ପିସିବି ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ। ତାଙ୍କ ସ୍ଥାନରେ ଏହସାନ ମଣିଙ୍କୁ ପିସିବିର ନୂତନ ଅଧ୍ୟକ୍ଷଭାବେ ନିଯୁକ୍ତି ଦିଆଯାଇଛି।
