ନୂଆଦିଲ୍ଲୀ: ଆମେ ସମସ୍ତେ ଜନ୍ମ ହୋଇଛୁ ମାନେ ମୃତ୍ୟୁ ସୁନିଶ୍ଚିତ। କେତେବେଳେ କାହାର ମୃତ୍ୟୁ ଘଟିବ, ତାହା କେହି କହିପାରିବେ ନାହିଁ। ଆମେ ସମସ୍ତେ ଜାଣିଛୁ , ଭଗବାନଙ୍କ ହାତରେ ଜନ୍ମ ମୃତ୍ୟୁର ତାଲିକା ରହିଛି। ତଥାପି ବେଳେ ବେଳେ ଅନେକ ଅସମାହିତ ପ୍ରଶ୍ନ ଆମ ମନକୁ ଆସେ। ବେଳେ ବେଳେ ଆମେ ଚିନ୍ତା କରୁ, ଆମର ମୃତ୍ୟୁ କେବେ ହେବ ? ବର୍ଷ ବର୍ଷ ଧରି ମଣିଷ ମନରେ ଚାଲିଥିବା ଏହି ଅସମାହିତ ପ୍ରଶ୍ନର ଉତ୍ତର ଖୋଜିପାଇଛନ୍ତି ବୈଜ୍ଞାନିକ। ଏଆଇ ଅର୍ଥାତ କୁତ୍ରିମ ବୁଦ୍ଧିମତା ସଂଚାଳିତ ଏକ ଆପ୍ ଆସିଛି ଯିଏ ଆପଣଙ୍କୁ କହିପାରିବ ଆପଣଙ୍କ ମୃତ୍ୟୁର ସମୟ। ଆସନ୍ତୁ ଜାଣିବା ମୃତ୍ୟୁର ଦିନ କହିପାରୁଥିବା ଏହି ଘଣ୍ଟା ସମ୍ପର୍କରେ। କାର୍ଲିଫର୍ଣ୍ଣିଆର ବୈଜ୍ଞାନିକ ବ୍ରେଣ୍ଟ ଫ୍ରାନସନ ଦୁନିଆର ପ୍ରଥମ ଏଆଇ ମୃତ୍ୟୁ ଘଣ୍ଟା ବା ଡେଥ୍ କ୍ଲକ୍ ତିଆରି କରିଛନ୍ତି । ଏହି ଆପ୍ ୟୁଜରଙ୍କୁ ମୃତ୍ୟୁର ଦିନ କହିବ। ଜାଣିବା ଏହା କିପରି ବ୍ୟବହାର ହୋଇଥାଏ। ଏହି ଘଣ୍ଟା ପ୍ରଥମେ ୟୁଜର୍ସଙ୍କଠାରୁ ଅନେକ ଡାଟା ସଂଗ୍ରହ କରିଥାଏ। ସ୍ବାସ୍ଥ୍ୟ ସମ୍ବଦ୍ଧୀୟ ଡାଟାକୁ ଆଧାର ଆକଳନ କରେ ମୃତ୍ୟୁର ଦିନ ଓ ସମୟ । ଯେମିତିକି ବୟସ କେତେ, ହାଇଟ ଓ ଓଜନ କେତେ, କଣ ଖାଉଛନ୍ତି କଣ ପିଉଛନ୍ତି, କେତେବେଳେ ଶୁଅନ୍ତି,କେତେ ଘଣ୍ଟା ପାଇଁ ଶୁଅନ୍ତି ଏକ୍ସରସାଇଜ କରନ୍ତି କି ନାହିଁ ,ସିଗାରେଟ କି ମଦ ଅଭ୍ୟାସ ଅଛି କି ଏସବୁ ଜାଣିବା ପରେ ଡେଥ କ୍ଲକ କହିପାରିବ ଆପଣ ଆଉ କେତେ ଦିନ ବଞ୍ଚିବେ। ସଂକ୍ଷେପରେ କହିବାକୁ ଗଲେ ସ୍ବାସ୍ଥ୍ୟ ଡାଟା ଉପରେ ଏହା ଆଧାରିତ।
