ବାସୁଦେବପୁର: କଲେଜରେ ଗୁଣିଗାରେଡ଼ିକୁ ନେଇ ବସିଲା କଙ୍ଗାରୁ କୋର୍ଟ। ଏମିତି ଏକ ଘଟଣା ଦେଖିବାକୁ ମିଳିଛି ବାସୁଦେବପୁର ଥାନା ଅଧିନ ଇରମ ପଞ୍ଚାୟତର ଶହୀଦ ମେମୋରିଆଲ କଲେଜ ବଢେଇପଦାରେ। ଏହି କଲେଜରେ ଇପିଏଫ ଘଟଣାରେ ୧୨ ପ୍ରତିଶତରୁ ୨୫ ପ୍ରତିଶତକୁ ବୃଦ୍ଧି କରି ଅର୍ଥରାଶି ପୈଠ କରିବାକୁ କଲେଜ ଅଧ୍ୟକ୍ଷ ଭୋଳାନାଥ ବାରିକ କଲେଜ କର୍ମଚାରୀମାନଙ୍କୁ ବାଧ୍ୟ କରିଥିଲେ, ଯାହାକୁ ନେଇ ମତାନ୍ତର ଦେଖାଦେଇଥିଲା। ଏହି ବିବାଦରୁ ମୁକୁଳିବା ପାଇଁ ଅଧ୍ୟକ୍ଷ ଭୋଳାନାଥ ଗୁଣିଗାରେଡ଼ିର ସହାୟତା ନେଇଥିଲେ। ପରଦିନ କାର୍ଯ୍ୟରତ ଡାଟା ଏଣ୍ଟ୍ରି ଅପରେଟର ହଠାତ ସଜ୍ଞାହୀନ ହୋଇପଡ଼ିଥିଲେ। କଲେଜର କେତେକ ଛାତ୍ରଛାତ୍ରୀ ଘଟଣାର ଭିଡିଓ ଉତ୍ତୋଳନ କରି ସାମାଜିକ ଗଣମାଧ୍ୟମରେ ଭାଇରାଲ କରିଥିଲେ। ଏହାପରେ କଲେଜ ପରିଚାଳନା କମିଟି ସଦସ୍ୟ ପ୍ରଫୁଲ୍ଲ ବିଶ୍ଵାଳ ଘଟଣା ସ୍ଥଳରେ ପହଞ୍ଚି ଡାଟା ଏଣ୍ଟ୍ରି ଅପରେଟରଙ୍କୁ ସୁସ୍ଥ କରିବା ପାଇଁ ପରାମର୍ଶ ଦେଇଥିଲେ। ଘଟଣାର କିଛି ଘଣ୍ଟା ପରେ କଲେଜର କାର୍ଯ୍ୟରତ କର୍ମଚାରୀମାନଙ୍କୁ ନେଇ ଏକ ବୈଠକ ବସିଥିଲା। ଏହି ବୈଠକରେ ସମସ୍ୟାର ସମାଧାନସ୍ଵରୂପ ଅଧ୍ୟକ୍ଷଙ୍କୁ ଆର୍ଥିକ ଦଣ୍ଡରେ ଦଣ୍ଡିତ କରାଯାଇଛି।
Popular Categories
Previous article
Next article