ମୁମ୍ବଇ : ଚକୋଲେଟ୍ ବୟ ଭାବେ ଜଣାଯାଉଥିବା ଶାହିଦ୍ କପୁର ବିବାହ ପରେ ଏକ ହସଖୁସିର ଜୀବନ ଅତିବାହିତ କରୁଥିବାର ଦେଖାଯାଉଛି। ପତ୍ନୀ ମୀରା କପୁର, ଝିଅ ମିଶା ଓ ପୁଅ ଜୈନ୍ଙ୍କୁ ନେଇ ତାଙ୍କ ଛୋଟ ସଂସାର। ବିବାହ ପୂର୍ବରୁ ଲାଜକୁଳା ଶାହିଦ୍୍ଙ୍କ ୨ଜଣ ଅଭିନେତ୍ରୀଙ୍କ ସହ ସମ୍ପର୍କ ନିବିଡ଼ ହୋଇଥିଲା। ଏ ବାବଦରେ ଶାହିଦ୍ ପୂର୍ବରୁ ଅନେକଥର ସ୍ପଷ୍ଟ ଭାବେ କହିଛନ୍ତି ମଧ୍ୟ। କରୀନା କପୁର ଓ ପ୍ରିୟଙ୍କା ଚୋପ୍ରା, ଏ ଦୁହିଁଙ୍କ ସହ ଶାହିଦ୍ଙ୍କ ଘନିଷ୍ଠତା ଥିଲା, ତେବେ କୌଣସି କାରଣରୁ ସେମାନଙ୍କ ସର୍ମ୍ପରେ ପୂର୍ଣ୍ଣଚ୍ଛେଦ ପଡ଼ିଥିଲା। କରୀନା ୨୦୧୨ରେ ନବାବ୍ ସୈଫ୍ ଅଲୀ ଖାନ୍ଙ୍କୁ ବିବାହ କରିଥିବାବେଳେ ନିକଟରେ ପ୍ରିୟଙ୍କା ହଲିଉଡ ଗାୟକ ନିକ୍ ଜୋନ୍ସଙ୍କୁ ବିବାହ କରିଛନ୍ତି। ଏକ ସାକ୍ଷାତକାର୍ରେ ଶାହିଦ୍ଙ୍କୁ ତାଙ୍କ ପୂର୍ବ ଘନିଷ୍ଠ ବାନ୍ଧବୀଙ୍କ ସମ୍ପର୍କରେ ପଚରା ଯାଇଥିଲା। ସ୍ମିତ ହସ ହସି ଶାହିଦ୍ କହିଥିଲେ ସେ ନିକ୍୍ଙ୍କୁ ପରାମର୍ଶ ଦେବେ ଯେ ପ୍ରିୟଙ୍କା ହେଲେ ଆମର ଦେଶୀ ଝିଅ। ଏଣୁ ସାବଧାନତାର ସହ ଚଳିବେ, ନଚେତ୍ ହଇରାଣ ହେବେ। ପରେ କଥାକୁ ଚଳାଇ ନେବାକୁ ଯାଇ ଶାହିଦ୍ କହିଥିଲେ ସେ ଥଟ୍ଟା କରୁଥିଲେ। ଦେଖାଯାଉ ଦେଶୀ ଗାର୍ଲ ପ୍ରିୟଙ୍କା ଏଇ ଉପଦେଶ ଶୁଣିବା ପରେ କ’ଣ କହୁଛନ୍ତି?
