ସମାଜ ଡିଜିଟାଲ ଡେସ୍କ: ହିନ୍ଦୀ ପପ୍ ମ୍ୟୁଜିକ୍ ସର୍ବଦା ସିନେମା ସହ ଜଡ଼ିତ। ଇଣ୍ଡଷ୍ଟ୍ରିରେ କଳାକାରମାନେ ନିଜ ଚମକ ବଜାୟ କରିଛନ୍ତି। ଭାରତର ଶ୍ରେଷ୍ଠ କଣ୍ଠଶିଳ୍ପୀମାନେ ସର୍ବଦା ଚଳଚ୍ଚିତ୍ର ପାଇଁ କାମ କରିଆସୁଛନ୍ତି। ଏହା ସମସ୍ତେ ଜାଣନ୍ତି ଯେ, ଭାରତୀୟ କଣ୍ଠଶିଳ୍ପୀମାନେ ବେଶ୍ ଧନୀ। ତେବେ କ’ଣ ଆପଣ ଜାଣନ୍ତି ଭାରତର ସବୁଠୁ ଧନୀ ମହିଳା କଣ୍ଠଶିଳ୍ପୀ କିଏ ଏବଂ ତାଙ୍କ ସମ୍ପତ୍ତି ମୂଲ୍ୟ କେତେ ? ଭାରତର ସବୁଠାରୁ ଧନୀ ଗାୟିକାଙ୍କର ବର୍ତ୍ତମାନ ୨୦୦ କୋଟିରୁ ଅଧିକ ଟଙ୍କାର ସମ୍ପତ୍ତି ଥିବା ସେ ଦାବି କରିଛନ୍ତି, କିନ୍ତୁ ସେ ଇଣ୍ଡଷ୍ଟ୍ରିର ଶ୍ରେଷ୍ଠ ଗାୟିକାମାନଙ୍କ ମଧ୍ୟରୁ ଜଣେ ନୁହଁନ୍ତି। ଟି-ସିରିଜ୍ର ମାଲିକ କୁମାର ପରିବାରର ଝିଅ ତୁଲସୀ କୁମାର ଭାରତର ସବୁଠୁ ଧନୀ ଗାୟିକା।
ସୂଚନା ମୁତାବକ, ଗାୟିକାଙ୍କ ମୋଟ୍ ସମ୍ପତ୍ତି ମୂଲ୍ୟ ପ୍ରାୟ ୨୧୦ କୋଟି ଟଙ୍କା, ଯାହା ତାଙ୍କୁ କେବଳ ଦେଶର ଅନ୍ୟ ସମସ୍ତ ଗାୟିକା ନୁହେଁ ବରଂ ବଲିଉଡର ଅନେକ ଶ୍ରେଷ୍ଠ ତାରକାଙ୍କ ଅପେକ୍ଷା ଅଧିକ ଧନୀ ବୋଲି ପ୍ରମାଣିତ କରୁଛି। ପରିବାର ବ୍ୟବସାୟରେ ଅଂଶଧନ ମାଧ୍ୟମରେ ତୁଳସୀ ଏହି ସଫଳତା ହାସଲ କରିଛନ୍ତି, ଯାହାର ମୂଲ୍ୟ ହଜାର ହଜାର କୋଟି ଟଙ୍କା ହେବ। ସେ ଟି-ସିରିଜର ୟୁଟ୍ୟୁବ୍ ଚ୍ୟାନେଲ୍ ‘କିଡ୍ସ ହଟ୍’ର ମଧ୍ୟ ମାଲିକାଣୀ, ଯେଉଁଥିରେ ନର୍ସରୀ କବିତା ଏବଂ କାହାଣୀ ସହିତ ପିଲାମାନଙ୍କର ବିଷୟବସ୍ତୁ ରହିଥାଏ।
ତେବେ ତୁଲସୀଙ୍କ ସଂଗୀତ କ୍ୟାରିଅର୍ ପ୍ରାୟ ଦୁଇ ଦଶନ୍ଧି ଧରି ସଫଳ ରହିଛି। ସେ ‘ଭୁଲ ଭୁଲୈୟା’, ‘ରେଡି’, ‘ଦବଙ୍ଗ’, ‘କବୀର ସିଂହ’ ଓ ‘ସତ୍ୟପ୍ରେମ କି କଥା’ ଭଳି ଚଳଚ୍ଚିତ୍ର ପାଇଁ ଅନେକ ହିଟ୍ ଗୀତ ଗାଇଛନ୍ତି। ୨୦୦୦ ଦଶକ ଆରମ୍ଭରେ ସେ ହିମେଶ ରେଶମିଆଙ୍କ ସହ ଏକ ସଫଳ ଯୋଡ଼ି ତିଆରି କରିଥିଲେ ଏବଂ ‘ହମ୍କୋ ଦିୱାନା କର ଗଏ’, ‘ଅକ୍ସର’ ଏବଂ ‘ଅଫସାନା’ ଭଳି ଗୀତରେ ନିଜ କଣ୍ଠଦାନ କରିଛନ୍ତି।
