ଭୁବନେଶ୍ବର : ଗୋଆ ବିପକ୍ଷ ରଣଜୀଟ୍ରଫି ମ୍ୟାଚରେ ବିପୁଳ ବିଜୟ ହାସଲ କରିଛି ଓଡିଶା । ଗୋଆକୁ ୨୭୬ ରନରେ ହରାଇ ଏକ ଦମଦାର ବିଜୟ ହାସଲ କରିଛି । ପ୍ରଥମ ପାଳିରେ ୩୫୨/୧୦ରନ କରିଥିବା ଓଡିଶା ଦ୍ୱିତୀୟ ପାଳିରେ ୧୫୧/୧୦ କରିଥିଲା । ଗୋଆ ପ୍ରଥମ ପାଳି ୧୧୬/୧୦ ଦ୍ୱିତୀୟ ପାଳିରେ ୧୧୧/୧୦ ରନ କରିଛି । ମ୍ୟାଚରେ ଅଲରାଉଣ୍ଡର ପ୍ରଦର୍ଶନ କରିଥିବା ଓଡିଶାର ସୂର୍ଯ୍ୟକାନ୍ତ ପ୍ରଧାନ ମ୍ୟାନ ଅଫ ଦି ମ୍ୟାଚ ହୋଇଛନ୍ତି । ଏହି ବିଜୟ ସହ ଓଡିଶାକୁ ୬ ପଏଣ୍ଟ ମିଳିଛି ।
ଗ୍ରୁପ ସି ରହିଥିବା ଓଡିଶା ବର୍ତ୍ତମାନ ସୁଦ୍ଧା ୯ ଟି ମ୍ୟାଚ ଖେଳିଛି । ଯେଉଁଥିରୁ ୪ଟିରେ ବିଜୟୀ ହୋଇଥିବା ବେଳେ ୩ଟିରି ପରଜାୟ ହୋଇଛି ଏବଂ ଦୁଇଟି ମ୍ୟାଚ ଡ୍ର ରହିଛି । ୨୬ ପଏଣ୍ଟ ସହ ଓଡିଶା ଗ୍ରୁପର ଚତୁର୍ଥ ସ୍ଥାନରେ ରହିଛି । ବିକାଶ ଗ୍ରାଉଣ୍ଡରେ ଚାଲିଥିବା ମ୍ୟାଚରେ ଗୋଆ ବିପକ୍ଷରେ ଓଡ଼ିଶା ପ୍ରଥମ ଇନିଂସରେ ଅଗ୍ରଣୀ ହାସଲ କରିଥିଲା।
ଓଡ଼ିଶାର ପ୍ରଥମ ଇନିଂସ ସ୍କୋର ୩୫୨ରନ ଜବାବରେ ଗୋଆ ପ୍ରଥମ ଇନିଂସରେ ୧୧୬ରନ କରି ଅଲ୍ଆଉଟ୍ ହୋଇଯାଇଥିଲା। ଓଡିଶା ପକ୍ଷରୁ ସୂର୍ଯ୍ୟକାନ୍ତ ପ୍ରଧାନ ସର୍ବାଧିକ ୫ ୱିକେଟ ହାସଲ କରଥିବା ବେଳେ ରଜେଶ ମହାନ୍ତି ୩ ଟି ଏବଂ ବସନ୍ତ ମହାନ୍ତି ୨ ଟି ୱିକେଟ ହାସଲ କରିଥିଲେ । ପ୍ରଥମ ଇନିଂସରେ ୨୩୬ରନ ଆଗୁଆ ଥିବା ଓଡ଼ିଶା ଦ୍ବିତୀୟ ଇନିଂସରେ ୧୫୧ରନ୍ କରିଥିଲା। ୩୮୮ ରନର ବିଜୟ ଲକ୍ଷ୍ୟର ପିଛା କରି ପଡିଆକୁ ଓହ୍ଲାଇଥିବା ଗୋଆ ଦଳ ଏହାର ଜବାବରେ ୧୧୧ରନ୍ କରି ଅଲଆଉଟ ହୋଇଯାଇଥିଲେ।