କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ବୁଡାଗୁଡା ଗ୍ରାମ ପଞ୍ଚାୟତ ଅଧିନସ୍ଥ ଗୁରତୁଲୀ ଗ୍ରାମର କୁମ୍ଭାର ସାହି ବାସୀ ନିଜର ଅନେକ ସମସ୍ୟା ନେଇ ଅଭିଯୋଗ କରିଛନ୍ତି। କେନ୍ଦୁପତ୍ର ତୋଳାଳୀ ଅଭିଯୋଗ କରି କହିଛନ୍ତି ସେମାନେ ଖରା ତରାରେ ମୁଣ୍ଡଝାଳ ତୁଣ୍ଡେ ମାରି ନିଜ ଦେହର ରକ୍ତ ଶୁଖାଇ କେନ୍ଦୁପତ୍ର ତୋଳି ଜୟପୁର କେନ୍ଦୁପତ୍ର ଡିଭିଜନର ବିଷମକଟକ କେନ୍ଦୁପତ୍ର ରେଞ୍ଜ ଅଧିନରେ ଥିବା ସିକରପାଇ ଗୋଦାମକୁ ପ୍ରଦାନ କରିଛନ୍ତି। ଏଥି ମଧ୍ୟରେ ବିଷମକଟକ କେନ୍ଦୁପତ୍ର ରେଞ୍ଜ ଅଞ୍ଚଳରେ ରହିଥିବା ସମସ୍ତ ଗୋଦାମରେ କାର୍ଯ୍ୟରତ କେନ୍ଦୁପତ୍ର ତୋଳାଳୀ ଶ୍ରମିକ ମାନଙ୍କର ବ୍ୟାଙ୍କ ଖାତାକୁ କେନ୍ଦୁପତ୍ର ତୋଳିବା ପ୍ରାପ୍ୟ ଅର୍ଥ ରାଶି ପହଞ୍ଚି ଥିଲା ବେଳେ ସିକରପାଇ ଓ ମାଝୀଗୁଡା ଦୁଇ ଗୋଟି ଗୋଦାମ ଅଧୀନରେ ଥିବା କେନ୍ଦୁପତ୍ର ତୋଳାଳୀ ଶ୍ରମିକ ମାନଙ୍କ ବ୍ୟାଙ୍କ ଖାତାକୁ ପ୍ରାପ୍ୟ ଅର୍ଥରାଶି ବର୍ତ୍ତମାନ ସୁଦ୍ଧା ପହଁଞ୍ଚି ପାରିନଥିବାରୁ ଅଭିଯୋଗ କରିଛନ୍ତି। ସେମାନଙ୍କ ନିମନ୍ତେ ଛତା, ଚପଲ ପାଇଁ ଆସୁଥିବା ଟଙ୍କା ମଧ୍ୟ ପହଁଞ୍ଚି ନାହିଁ ବୋଲି କହିଛନ୍ତି।
ପ୍ରକାଶ ଥାଉ କି କେନ୍ଦୁପତ୍ର ବିଭାଗୀୟ ଅଧିକାରୀ ମାନଙ୍କ ବେପାରୁଆ ନୀତି ଯୋଗୁଁ କଲ୍ୟାଣସିଂହପୁର ବ୍ଲକ ଅଞ୍ଚଳରେ କାର୍ଯ୍ୟରତ କେନ୍ଦୁପତ୍ର ତୋଲାଳୀ ମାନଙ୍କ ମୃତ୍ୟୁ କାଳୀନ ସହାୟତା ବୀମା ରାଶି ବର୍ଷ ବର୍ଷ ଧରି ପଡ଼ି ରହିଥିବା ହେତୁ ଶ୍ରମିକ ମାନେ ଅତ୍ୟନ୍ତ କ୍ଷଭୋ ପ୍ରକାଶ ସହ ନିଜକୁ ଅସୁରକ୍ଷିତ ମନେ କରୁଛନ୍ତି।
କେନ୍ଦୁପତ୍ର ତୋଳାଳୀଙ୍କ ଅଭିଯୋଗ ; ପହଞ୍ଚି ପାରୁନି ପ୍ରାପ୍ୟ ଅର୍ଥରାଶି
Popular Categories
Previous article
Next article