ମୁମ୍ବାଇ : ବଲିଉଡ୍ରେ ଅନେକ ଦମ୍ପତିଙ୍କର ଛାଡପତ୍ର ନେଇ ଖବର ଅଧିକାଂଶ ସମୟରେ ଶୁଣିବାକୁ ମିଳିଥାଏ । ତେବେ ନିକଟରେ ଏଭଳି ଜଣେ ସେଲିବ୍ରିଟିଙ୍କର ବିବାହ ବିଚ୍ଛେଦ ହେବା ନେଇ ଖବର ଚର୍ଚ୍ଚା ଜୋର ଧରିଛି । ଏହି ଦମ୍ପତିଙ୍କ ବିବାହ ବିଚ୍ଛେଦକୁ ପ୍ରଶଂସକ ସହଜରେ ବିଶ୍ୱାସ ମଧ୍ୟ କରି ପାରିବେ ନାହିଁ । ବଲିଉଡ୍ର ସୁପରଷ୍ଟାର ଗୋବିନ୍ଦା ଓ ତାଙ୍କ ପତ୍ନୀ ସୁନୀତାଙ୍କର ଛାଡପତ୍ର ହେବା ନେଇ ଚର୍ଚ୍ଚା ଜୋର୍ ଧରିଛି। ଏହି ଦମ୍ପତିଙ୍କ ବିବାହକୁ ୩୭ ବର୍ଷ ପୂରଣ ହୋଇ ସାରିଛି।
ମିଳିଥିବା ଖବର ଅନୁଯାୟୀ, ଦୀର୍ଘ ଦିନରୁ ଗୋବିନ୍ଦା ଓ ସୁନୀତାଙ୍କ ବୈବାହିକ ଜୀବନ ସ୍ୱଭାବିକ ନାହିଁ । ଏହି ଦମ୍ପତି ୧୧ ମାର୍ଚ୍ଚ ୧୯୮୭ରେ ବିବାହ ବନ୍ଧନରେ ବାନ୍ଧି ହୋଇଥିଲେ । ବିବାହ ପରେ ଉଭୟଙ୍କ ଜୀବନରେ ଅନେକ ଉତ୍ଥାନ-ପତ୍ତନ ଦେଖାଯାଇଥିଲା । ମାତ୍ର ବର୍ତ୍ତମାନ ଅଲଗା ହେବା ନେଇ ଖବର ଜୋର ଧରିଛି । ଛାଡପତ୍ର ଓ ଏହାର କାରଣ ନେଇ କୌଣସି ସ୍ପଷ୍ଟ ସୂଚନା ଉଭୟଙ୍କ ନିକଟରୁ ମିଳିନାହିଁ ।
ଏହି ଦମ୍ପତିଙ୍କର ଛାଡପତ୍ରକୁ ଗ୍ରେ ଡିଭୋର୍ସ ବୋଲି କୁହାଯାଉଛି । ଏହି ଶବ୍ଦ ସେହି ଯୋଡିଙ୍କ ପାଇଁ ବ୍ୟବହାର ହୋଇଥାଏ ଯେଉଁମାନଙ୍କର ୫୦ ବର୍ଷ ବୟସ ପରେ ଦୀର୍ଘ ସମୟର ବ୍ୟବଧାନ ପରେ ଅଲଗା ହୁଅନ୍ତି । ଏଥିରେ ଭାବାବେଗ ଅପେକ୍ଷା କଷ୍ଟ ଅଧିକ ଥାଏ ବୋଲି କୁହାଯାଏ । କାରଣ ଦମ୍ପତି ନିଜ ଜୀବନର ଅଧାରୁ ଅଧିକ ସମୟ ଏକାଠି ଅତିବାହିତ କରିବା ପରେ ଅଲଗା ହୁଅନ୍ତି ।
Pay Online
Comments are closed.