ସମାଜ ଡେସ୍କ : କେନ୍ଦ୍ରପଡା ଜିଲାର ରାଜନଗର ବ୍ଲକ ପେଣ୍ଠ ବେଳାଭୂମି ଠାରେ ୬୯ତମ ରାଜ୍ୟ ସ୍ତରୀୟ ବିଦ୍ୟାଳୟ ସମୂହ ବୀଚ ଭଲିବଲ ପ୍ରତିଯୋଗିତା ଉଦଘାଟିତ ହୋଇଯାଇଛି । ଜିଲ୍ଲା ଶିକ୍ଷା ଅଧିକାରୀ ପବିତ୍ର ମୋହନ ବାରିକଙ୍କ ସଂଯୋଜନାରେ କ୍ରୀଡା ଉତ୍ସବକୁ ମୁଖ୍ୟ ଅତିଥି ଭାବେ ଜିଲ୍ଲାପାଳ ରଘୁରାମ ଆର ଆୟାର ଯୋଗଦେଇ ଉଦ୍ଘାଟନ କରିଥିଲେ ।
ପ୍ରତିଯୋଗିତାରେ ୨୪ ଟି ଜିଲ୍ଲାରୁ ମୋଟ୍ ୧୭୬ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । ପ୍ରତ୍ୟେକ ଜିଲ୍ଲାର ୬ ଜଣ ଲେଖାଏଁ ଛାତ୍ରଛାତ୍ରୀମାନେ ପ୍ରତିଯୋଗିତାରେ ଅଂଶ ଗ୍ରହଣ କରିଛନ୍ତି । ୨୪ଟି ଜିଲାରୁ ପୁଅ ଓ ୧୫ ଜିଲାରୁ ଝିଅ ମାନଙ୍କୁ ଚୟନ କରାଯାଇଥିବା ଜଣାପଡିଛି। ଶିକ୍ଷାଦାନ ସହିତ କ୍ରୀଡା ଅଙ୍ଗାଙ୍ଗୀ ଭାବେ ଜଡିତ ଓ ଏହା ପୂର୍ଣାଙ୍ଗ ବିକାଶରେ ସାମିଲ୍ ବୋଲି ଅତିଥିମାନେ ମତବ୍ୟକ୍ତ କରିଥିଲେ। ପଣ୍ଡିତ ବରଦାକାନ୍ତ ଜେନା, ଅର୍ଣପୂର୍ଣା ଚୁଳି ମଞ୍ଚ ପରିଚାଳନା କରିଥିଲେ।
ପ୍ରଥମଥର ପାଇଁ ପେଣ୍ଠ ବେଳାଭୂମିରେ ରାଜ୍ୟ ସ୍ତରୀୟ ଭଲିବଲ ପ୍ରତିଯୋଗିତା ୧୭ ବର୍ଷରୁ କମ ବୟସର ଛାତ୍ରଛାତ୍ରୀମାନେ ଅଂଶ ଗ୍ରହଣ କରିଥିଲେ । ଏହି ସମୀରଣ ମଣ୍ଡଳ ଓ ସୁଲତା ପ୍ରମୁଖ ମଞ୍ଚ ପରିଚାଳନା ରେ ସହଯୋଗ କରିଥିଲେ। ଜିଲ୍ଲା ଶାରୀରିକ ଶିକ୍ଷା ପ୍ରମୁଖ ସ୍ମିତା ପ୍ରତିଭା ସାହୁ ଧନ୍ଯବାଦ ଅର୍ପଣ କରିଥିଲେ। ଶେଷରେ କ୍ରୁଷ୍ଣନଗର ଶଶିଭୂଷଣ ଉଚ୍ଚ ବିଦ୍ଯାଳୟ, ବାସୁଦେବ ଉଚ୍ଚ ବିଦ୍ଯାଳୟ କଣ୍ଡିରା, ବାପୁଜୀ ବିଦ୍ଯାଶ୍ରମ ବଳଭଦ୍ରପୁର ଓ ହରେକୃଷ୍ଣ ଉଚ୍ଚ ବିଦ୍ଯାଳୟ ଡାମରପୁର ଓ ଶ୍ରୀ ଜଗନ୍ନାଥ ଉଚ୍ଚ ବିଦ୍ଯାଳୟ ସାଂସ୍କୃତିକ ନ୍ରୁତ୍ଯ ପରିବେଷଣ କରିଥିଲେ ।
