କଟକ: ଓଲିଉଡ୍ ଜଗତର ବରିଷ୍ଠ ଅଭିନେତ୍ରୀ ଅନୀତା ଦାସଙ୍କ କଟକ ସେଲଟର ଛକ ନିକଟରେ ଥିବା ତାଙ୍କ ବାସଭବନରେ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୫୭ ବର୍ଷ ବୟସ ହୋଇଥିଲା । ହୃଦଘାତରେ ତାଙ୍କ ମୃତ୍ୟୁ ଘଟିଥିବା ଜଣାପଡିଛି । ଅନୀତା ଦାସ ପ୍ରାୟ ୧୦୦ରୁ ଅଧିକ ଫିଲ୍ମରେ ଅଭିନୟ କରି ଲୋକ ପ୍ରିୟତା ସାଉଁଟିଥିଲେ । ବିଶେଷ କରି ମା ଭୂମିକାରେ ତାଙ୍କର ଅଭିନୟ ହୃଦୟସ୍ପର୍ଶୀ ଥିଲା । ତେଣୁ ଓଲିଉଡର ମା ରୂପରେ ପରିଚିତ ଥିଲେ । ଓଡିଆ ଫିଲ୍ମ ସହ ଦିନ୍ଦୀ ଓ ତେଲୁଗୁ ଫିଲ୍ମରେ ସେ ଅଭିନୟ କରିଛନ୍ତି ।
ଅନିତା ଦାସଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ଓଡିଆ ଚଳଚ୍ଚିତ୍ର ଜଗତର ବହୁ ବରିଷ୍ଠ କଳାକାର, ପ୍ରଜୋଯକ, ନିର୍ଦେଶକ ଗଭୀର ଶୋକ ବ୍ୟକ୍ତ କରିଛନ୍ତି । ତାଙ୍କ ବିୟୋଗରେ ଓଡିଆ ଚଳଚ୍ଚିତ ଜଗତ ଅପୂରଣୀୟ କ୍ଷତି ହେଲା ବୋଲି ବରିଷ୍ଠ ସିନେପ୍ରଜଯୋକ, ନିଦେର୍ଶକ, ଅଭିନେତା ତଥା ରାଜ୍ୟସଭ ସାସଂଦ ପ୍ରଶାନ୍ତ ନନ୍ଦ କହିଛନ୍ତି ।
୧୯୭୫ ମସିହାରେ ଯାଜବର ଚଳଚ୍ଚିତ୍ରରୁ ଅଭିନୟ ଜୀବନ ଆରମ୍ଭ କରିଥିଲେ ଅନୀତା ରାମାୟଣ, କୃଷ୍ଣ ସୁଦମା, ମା ଓ ମମତା, ସ୍ବପ୍ନ ସାଗର, କି ହେବ ସୁଆ ପୋଶିଲେ, ପୁଅ ମୋର କଳା ଠାକୁର, ଗଢି ଜାଣିଲେ ଘର ସୁନ୍ଦର, ବାହୁଡିବେ ମୋ ଜଗା ବଳିଆ, ଓମ୍ ଶାନ୍ତି ଓମ୍ ଭଳି ଲୋକ ପ୍ରିୟ ଚଳଚ୍ଚିତ୍ରରେ ନିଜ ଅଭିନୟ ଦକ୍ଷତାର ଛାପ ଛାଡି ଯାଇଛନ୍ତି ।