ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ସିନ୍ଧି ଗାଁ ଟାଟା କଲୋନୀର ବଡ଼ ଭାଇ ପି. ଦାନେଶୁ ରେଡିକୁ ସାନଭାଇ ପି.କେଶବ ରେଡ୍ଡୀ ଜୀବନରେ ମାରିଦେବାକୁ ଚେଷ୍ଟା କରୁଥିବା ମାମଲାରେ ଆଜି ସାନଭାଇକୁ ପୁଲିସ ଗିରିଫ ପରେ କୋର୍ଟ ଚାଲାଣ କରିଛି। ଅଭିଯୋଗ ଅନୁଯାୟୀ ଗତକାଲି ବଡଭାଇ ଦାନେଶୁ ମଧ୍ୟାହ୍ନ ୧୨.୧୫ ସମୟରେ ବିଲକୁ ଯାଉଥିବା ସମୟରେ ସାନଭାଇ କେଶବ ଟାଟା ଏସିଇ ଗାଡ଼ିରେ ଆସି ଘର ସମ୍ମୁଖରେ ବଡଭାଇକୁ ଧକ୍କା ଦେଇଥିଲା। ଫଳରେ ତଳେ ପଡିଯିବା ପରେ ମଧ୍ୟ ପୁଣି ଗାଡ଼ି ପଛକୁ କରି ଧକ୍କା ଦେଇଥିଲା। ଘଟଣା ସମୟରେ ଦାନେଶୁର ସ୍ତ୍ରୀ ପି. ନାର୍ସମ୍ମା ଦୌଡ଼ି ଆସି ସ୍ୱାମୀକୁ ବଞ୍ଚାଇବା ପାଇଁ ଟାଣି ଦେଇଥିଲା। ପତ୍ନୀର ପାଟି ଶୁଣି ଗାଁ ଲୋକେ ଆସିବାରୁ ଗାଡ଼ି ଛାଡ଼ି କେଶବ ସେଠାରୁ ଚାଲି ଯାଇଥିଲା।
କେଶବ ସେଠାରୁ ଗଲା ବେଳେ ବଡ ଭାଇକୁ ଜୀବନରେ ମାରି ଦେବି ବୋଲି କହି ଚାଲିଯାଇଥିଲା। ଦାନେଶୁ ଗୁରୁତର ଥିବାରୁ ପରିବାର ଲୋକେ ବ୍ରହ୍ମପୁର ମେଡିକାଲ ଚିକିତ୍ସା ନିମନ୍ତେ ନେଇଥିଲେ। ଅଧିକ ଗୁରୁତର ଥିବାରୁ ଚିକିତ୍ସା ନିମନ୍ତେ ଭୁବନେଶ୍ୱର ମେଡିକାଲକୁ ସ୍ଥାନାନ୍ତର କରାଯାଇଛି। ଘଟଣା ନେଇ ପତ୍ନୀ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୨/୨୪ ମାମଲା ରୁଜୁ କରି ଅଭିଯୁକ୍ତ କେଶବକୁ କୋର୍ଟ ଚାଲାଣ କରିବା ସହ ଗାଡ଼ିକୁ ଜବତ କରିଥିବା ପୁଲିସ କହିଛି।
Comments are closed.