ଲକ୍ଷ୍ନୌ : ପବିତ୍ର ମକର ସଂକ୍ରାନ୍ତି ଅବସରରେ ସାଧାରଣ ଲୋକଙ୍କୁ ଅଭିନନ୍ଦନ ଜଣାଇବା ନିମନ୍ତେ ବଜରଙ୍ଗ ଦଳ ପକ୍ଷରୁ ପ୍ରଦର୍ଶିତ ପୋଷ୍ଟରରେ ଦଳୀୟ କର୍ମୀ ତଥା ବୁଲନ୍ଦସହର ହିଂସା ଘଟଣାର ମୁଖ୍ୟ ଅଭିଯୁକ୍ତ ଯୋଗେଶ ରାଜଙ୍କ ଫଟୋ ଚିତ୍ର ପ୍ରକାଶ ପାଇଛି। ଏହାକୁ ନେଇ ବିଭିନ୍ନ ମହଲରେ ଚର୍ଚ୍ଚା ଯୋର ଧରିଥିବା ବେଳେ ବଜରଙ୍ଗ ଦଳ ପକ୍ଷରୁ ଏହି ପୋଷ୍ଟରକୁ ସମର୍ଥନ ପୂର୍ବକ ସଫେଇ ଦିଆଯାଇଛି। ଦଳର ସହଯୋଗୀ ଆଞ୍ଚଳିକ ଆବାହକ ପ୍ରବୀଣ ଭାଟି କହିଛନ୍ତି ଯୋଗେଶ ବୁଲନ୍ଦସହର ପାଇଁ ବଜରଙ୍ଗୀ ଦଳର ଆବାହକ ହୋଇଥିବାରୁ ତାଙ୍କ ଫଟୋଚିତ୍ର ପୋଷ୍ଟରରେ ପ୍ରକାଶ ପାଇବାରେ କୌଣସି ତ୍ରୁଟି ନାହିଁ। କାରଣ ଏଯାବତ୍ ସେ ହିଂସା ମାମଲାରେ ଦୋଷୀ ସାବ୍ୟସ୍ତ ହୋଇନାହାନ୍ତି। ଏହି ପୋଷ୍ଟରରେ ବଜରଙ୍ଗୀ ଦଳ ଓ ବିଶ୍ବହିନ୍ଦୁ ପରିଷଦର ଅନ୍ୟ କର୍ମୀମାନଙ୍କ ଚିତ୍ର ରହିଛି। ଉଲ୍ଲେଖ ଯେ, ଡିସେମ୍ବର ୩ରେ ଗୋ-ଦେହାବଶେଷ ମିଳିବା ଘଟଣାକୁ କେନ୍ଦ୍ର କରି ବୁଳନ୍ଦସହରରେ ହିଂସାକାଣ୍ଡ ଘଟିଥିଲା। ଏଥିରେ ଜଣେ ପୁଲିସ ଅଧିକାରୀ ଓ ଜଣେ ଛାତ୍ରଙ୍କ ମୃତ୍ୟୁ ଘଟିଥିଲା। ଏହି ମାମଲାରେ ଯୋଗେଶ ଏବଂ ବିଜେପି ଯୁବ ନେତା ଶିଖର ଅଗ୍ରୱାଲ ଏବେ ପୁଲିସ ହାଜତରେ ଅଛନ୍ତି।
Popular Categories
Previous article
Next article