ଚାନ୍ଦିପୁଟ-ଘର ଛାଡି ଅପେରା ଦେଖିବା ପଡିଲା ମହଙ୍ଗା , ଅଧରାତିରେ ଘରର ତାଲା ଭାଙ୍ଗି କଳାକନା ବୁଲାଇଲେ ଦୁର୍ବୁତ୍ତ । ଘରେ ଥିବା ବହୁ ମୁଲ୍ୟବାନ ଗହଣା ସହ ଟଙ୍କା କୁ ଚୋରି କରି ନେଇଥିବା ଥାନାରେ ଅଭିଯୋଗ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଗ୍ରାମର ଅନ୍ତରବା ରୋଡ ପୋଷ୍ଟ ଅଫିସ ନିକଟସ୍ଥ ତୁଳସୀ ନଗର ସାହିରେ ରହୁଥିବା ସୁକାନ୍ତ ପଣ୍ଡା ବା ଧୋବା ପଣ୍ଡା ଙ୍କ ଘରେ ।
ମିଳିଥିବା ସୁଚନା ପ୍ରକାରେ ରଥଯାତ୍ରା ଉପଲକ୍ଷେ ଚନ୍ଦ୍ରଗିରି ଗ୍ରାମରେ ଅପେରା ଚାଲିଥିବା ବେଳେ ପୁରୋହିତ ଧୋବା ପଣ୍ଡା ସପରିବାର ଘର ତାଲା ପକାଇ ଗତ କାଲିରାତ୍ର ଯାତ୍ରା ଦେଖିବା ପାଇଁ ତ୍ର ଯାଇଥିଲେ । ଏହାର ସୁଯୋଗ ନେଇ ରାତି ରେ କେହି ଦୁର୍ବୁତ୍ତ ଘର ଛାତ ଦେଇ ଭିତରେ ପଶି ଘର କବାଟ ତାଲା ଭାଙ୍ଗିବା ସହ ବିଭିନ୍ନ ଆଲମେରା କୁ ତାଡି , ବ୍ୟାଗ ସହ ସୁନା,ଟଙ୍କା ପଇସା ଚୋରି କରି ଚମ୍ପଟ ମାରିଛି ।
ପରିବାର ଲୋକ ଭୋର ୪ ଟାରେ ଘରକୁ ଫେରିବା ପରେ ଘର କବାଟ ଖୋଲାଥିବା ବେଳେ ଘରର ଦିତୀୟ କବାଟ ତାଲାକୁ କେହି ଭାଙ୍ଗିଥିବା ଦେଖିଥିଲେ ଏବଂ ଘରର ଜିନିଷ ପତ୍ର ଠିକ ଠାକ ଥିବା ବେଳେ କେବଳ ସୁନା ଗହଣାର କିଛି ସୂତା ବାହାରେ ପଡିଥିବା ଦେଖି ଘରର ଖଟ ତଳେ ରଖିଥିବା ବ୍ୟାଗ ଓ ଅନେକ ଜିନିଷ ନେବା ସହ ସୁନା ମୁଦୀ ,ସୁନା ହାର ୧୫ ଗ୍ରାମ,ବେଲାମାଳି ୧୫ ଗ୍ରାମ ,ସୁନା ଚେନ ୧୦ ଗ୍ରାମ ,ଜିଗିର ନାନୁ ୧୫ ଗ୍ରାମ ,ସୁନା କାନ ଫୁଲ ୧୦ ଗ୍ରାମ ର ସବୁତକ ସୁନା ଚୋରି କରି ଛାତ ଉପର ଦେଇ ଚୋର ଚାଲିଯାଇଥିବା ଦେଖିବା ପାଇଁ ପାଇଥିଲେ ।
ଏହି ଅଞ୍ଚଳରେ ବାରମ୍ବାର ଚୋରି ହେଉଥିବା ବେଳେ ପୁଲିସ ଚୋରମାନଙ୍କୁ ଧରିବାରେ ଅସଫଳ ହୋଇଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି ।
Comments are closed.