ତିରୁପତିି : ଚଳିତ ବର୍ଷ ମାର୍ଚ୍ଚରେ ମୁମ୍ବଇର ଅତିରିକ୍ତ ପୁଲିସ କମିସନର ପଦରୁ ସ୍ୱେଚ୍ଛାକୃତ ଅବସର ନେଇଥିବା ପୂର୍ବତନ ସିବିଆଇ ଯୁଗ୍ମ ନିର୍ଦେଶକ ଭିଭି ଲକ୍ଷ୍ମୀନାରାୟଣ ରାଜନୀତି କରିବେ। ଆନ୍ଧ୍ରପ୍ରଦେଶରୁ ହିଁ ସେ ରାଜନୈତିକ ଜୀବନ ଆରମ୍ଭ କରିବେ। ଲକ୍ଷ୍ମୀନାରାୟଣ ନିଜେ ଦଳ ପ୍ରତିଷ୍ଠା କରିବେ କିମ୍ବା କୌଣସି ପସନ୍ଦର ଦଳରେ ସାମିଲ ହେବେ ତାହା ଶୀଘ୍ର ଘୋଷଣା କରିବେ; ତେବେ ମୁଖ୍ୟମନ୍ତ୍ରୀ ଏନ୍. ଚନ୍ଦ୍ରବାବୁ ନାଇଡୁଙ୍କ ପ୍ରତି ତାଙ୍କର ଦୁର୍ବଳତା ରହିଥିବା ସୂଚନା ଦେଇଛନ୍ତି। ଲକ୍ଷ୍ମୀନାରାୟଣ ବହୁ ଚର୍ଚ୍ଚିତ ‘ସତ୍ୟମ୍’ ଦୁର୍ନୀତିର ତଦନ୍ତ ଦାୟିତ୍ୱରେ ରହି ସ୍ୱତନ୍ତ୍ର ପରିଚୟ ଲାଭ କରିଥିଲେ। କୃଷକ ଓ ଶ୍ରମିକଙ୍କ ସ୍ୱାର୍ଥରକ୍ଷା ପାଇଁ ରାଜନୀତି କରିବେ ବୋଲି କହିଛନ୍ତି।
