ନୂଆଦିଲ୍ଲୀ : ହୁଓ୍ବେଇ ଭାରତରେ ନିଜ ନୂଆ ସ୍ମାର୍ଟଓ୍ବାଚ୍, ଓ୍ବାଚ୍ ଜିଟି ୫ ପ୍ରୋ ନେଇଆସିଛି । ଏହାର ଦାମ୍ ୨୯,୯୯୯ ଟଙ୍କାରୁ ଆରମ୍ଭ ହେଉଛି । ଏହି ସ୍ମାର୍ଟଓ୍ବାଚରେ ଆପଣଙ୍କୁ ସ୍ବାସ୍ଥ୍ୟ ମନିଟରିଂ ଓ ଫିଟନେସ୍ ଟ୍ରାକିଂ ଫିଚର୍ସ ମିଳିବ । ଏହାକୁ ବହୁତ ମଜଭୁତ ଭାବେ ଡିଜାଇନ୍ କରାଯାଇଛି । ଏହି ସ୍ମାର୍ଟଓ୍ବାଚ୍ ଆଇଓଏସ୍ ଓ ଆଣ୍ଡ୍ରଏଡ୍ ଉଭୟରେ କାମ କରିବ ।
ଏଥିରେ ଷ୍ଟ୍ରେସ୍ ମ୍ୟାନଜମେଣ୍ଟ, ହାର୍ଟ ରେଟ୍ ଟ୍ରାକିଂ, ବ୍ଲଡ୍ ଅକ୍ସିଜେନ୍ ମନିଟରିଂ ଓ ଡିଟେଲ୍ ସ୍ଲିପ୍ ଆନାଲିସିସ୍ ସାମିଲ । କମ୍ପାନୀ ଅନୁସାରେ ଏହାର ବିଟ୍-ବାଏ-ବିଟ୍ ଇସିଜି ଆନାଲିସିସ୍ ସ୍ବାସ୍ଥ୍ୟ ସମ୍ପର୍କରେ ସୂଚନା ଦେବ । ୧୦୦ରୁ ଅଧିକ ଓ୍ବାର୍କଆଉଟ୍ ମୋଡ୍ ଏଥିରେ ପାଇବେ ଗ୍ରାହକ । ଏଥିରେ ଇଣ୍ଟିଗ୍ରେଟେଡ୍ ଜିପିଏସ୍ ମ୍ୟାପ୍ସ ଓ ନେଭିଗେସନ ଫଙ୍କସନ୍ ମଧ୍ୟ ଦିଆଯାଇଛି । ଏହା ଉଭୟ ଜଳ ଏବଂ ଧୂଳିରୋଧୀ । ଏହାକୁ ଗ୍ରାହକ ଆମାଜନ୍ ଓ ଫ୍ଲିପକାର୍ଟରୁ କ୍ରୟ କରିପାରିବେ ।
