ଜାତିସଂଘ ମୁଖ୍ୟ ଜେନେରାଲ୍ ଆଣ୍ଟୋନିଓ ଗୁଟେରସ୍ କହିଛନ୍ତି, ରୁଷ-ୟୁକ୍ରେନ୍ ଯୁଦ୍ଧ ବିଶ୍ୱ ଅର୍ଥନୀତି ପାଇଁ ଘୋର ସଂକଟ ସୃଷ୍ଟି କରିଛି। ଏହା ଯୋଗୁଁ ବିଶ୍ୱର ଗରିବ ଦେଶଗୁଡ଼ିକ ଖାଦ୍ୟ ସଂକଟର ସମ୍ମୁଖୀନ ହେଉଥିବା ବେଳେ ଇନ୍ଧନ ଓ ସାରର ମୂଲ୍ୟ ଆକାଶଛୁଆଁ ବୃଦ୍ଧି ପାଇଛି। ସେ କହିଛନ୍ତି ଯେ ରୁଷ୍ ଓ ୟୁକ୍ରେନ୍ ବିଶ୍ୱର ମୋଟ୍ ସୂର୍ଯ୍ୟମୁଖୀ ତେଲ ଆବଶ୍ୟକତାର ୫୦%ରୁ ଅଧିକ ଯୋଗାଇଥାନ୍ତି। ସେହି ଦୁଇ ଦେଶ ବିଶ୍ୱର ମୋଟ୍ ଗହମ ଚାହିଦାର ୩୦% ମଧ୍ୟ ଯୋଗାଇଥାନ୍ତି।
ଶ୍ରୀ ଗୁଟେରସ୍ କହିଛନ୍ତି, ୪୫ଟି ଆଫ୍ରିକୀୟ ଓ ଅନୁନ୍ନତ ଦେଶ ସେମାନଙ୍କର ଏକତୃତୀୟାଂଶ ଗହମ ରୁଷ ଓ ୟୁକ୍ରେନ୍ରୁ ଆମଦାନୀ କରୁଥିବା ବେଳେ ୧୮ଟି ଦେଶ ୫୦% ଗହମ ସେହି ଦୁଇ ଦେଶରୁ ଆମଦାନୀ କରିଥାନ୍ତି। ସେହି ଦେଶଗୁଡ଼ିକ ମଧ୍ୟରେ ଇଜିପ୍ଟ, କଙ୍ଗୋ, ବର୍କିନା ଫାଶୋ, ଲେବାନନ, ଲିବିଆ, ସୋମାଲିଆ, ସୁଦାନ ଓ ୟେମେନ୍ ରହିଛନ୍ତି।
Comments are closed.