ଭୁବନେଶ୍ଵର: ବିଜେଡି ଛାଡି ବିଜେପିରେ ମିଶିଲେ ନିମାପଡା ବିଧାୟକ ସମୀର ଦାଶ। ରାଜ୍ୟ କାର୍ଯ୍ୟାଳୟରେ ସମର୍ଥକଙ୍କ ସହ ଆଜି ସେ ବିଜେପିରେ ମିଶିଛନ୍ତି। ବିଜୟପାଲ ସିଂ ତୋମାର , ମନମୋହନ ସାମଲଙ୍କ ଉପସ୍ଥିତିରେ ସେ ବିଜେପିରେ ମିଶିଛନ୍ତି। ଆଜି ସକାଳେ ସେ ବିଜେଡିର ପ୍ରାଥମିକ ସଦସ୍ୟ ପଦରୁ ସେ ଇସ୍ତଫା ଦେଇଥିଲେ। ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ପାଖକୁ ସେ ତାଙ୍କର ଇସ୍ତଫା ପତ୍ର ପଠାଇଥିଲେ। ଭିଡିଓ ବାର୍ତ୍ତା ମାଧ୍ୟମରେ ସେ ଦଳ ଛାଡିଥିବା ନେଇ ସୂଚନା ଦେଇଥିଲେ। ଏଥର ଟିକେଟ୍ କଟିଥିବାରୁ ଅସନ୍ତୁଷ୍ଟ ଥିଲେ ସମୀର ଦାଶ। ନିଷ୍ପତ୍ତିର ପୁନର୍ବିଚାର ପାଇଁ ବାରମ୍ବାର ଶକ୍ତି ପ୍ରଦର୍ଶନ କରିଥିଲେ। ୨୦୦୯, ୨୦୧୪ ଓ ୨୦୧୯ରେ ସେ ବିଜେଡିରୁ ବିଧାୟକ ହୋଇଥିଲେ। ସେପଟେ ଭିଡିଓ ବାର୍ତ୍ତାରେ ସେ ଇସ୍ତଫା ଦେବାର କାରଣ ମଧ୍ୟ ଜଣାଇଥିଲେ। ସେ କହିଥିଲେ ବିଜେଡି ନେତା ମୋ ଉପରେ ଆସ୍ଥା ହରାଇଥିବାରୁ ମୁଁ ଦଳ ଛାଡିଛି। ଗୋପ ବିଜେଡି ସଙ୍ଗଠନ ଉପରେ ବି ଆସ୍ଥା ହରାଇଛି। ନେତା ଆସ୍ଥା ହରାଇଥିବାରୁ ଦଳରେ ରହିବା ଠିକ୍ ନୁହେଁ ବୋଲି କହିଥିଲେ ସମୀର ଦାଶ ।
Popular Categories
Previous article
Next article