ନୂଆଦିଲ୍ଲୀ: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ତାରକା ବ୍ୟାଟ୍ସମ୍ୟାନ ବିରାଟ କୋହଲି ଆଇପିଏଲରେ ନୂଆ କୀର୍ତ୍ତିମାନ ସୃଷ୍ଟି କରିଛନ୍ତି। ବେଙ୍ଗାଲୁରୁର ଏମ୍.ଚିନ୍ନାସ୍ବାମୀ ଷ୍ଟାଡ଼ିୟମରେ ବିରାଟ ଆଇପିଏଲରେ ୩୦୦୦ରନ ପୂରଣ କରିଛନ୍ତି। ଶନିବାର ଚେନ୍ନଇ ସୁପରକିଙ୍ଗ୍ସ ବିପକ୍ଷ ମ୍ୟାଚରେ ତୁଷାର ଦେଶପାଣ୍ଡେଙ୍କ ବଲକୁ ଛକା ମାରି ଆଇପିଏଲରେ ଗୋଟିଏ ଷ୍ଟାଡ଼ିୟମରେ ୩୦୦୦ରନ ପୂରଣ କରିଛନ୍ତି।
ଉକ୍ତ ମ୍ୟାଚରେ କୋହଲି ୨୯ଟି ବଲରୁ ୪୭ରନ କରି ଆଉଟ୍ ହୋଇଥିଲେ। ମୁମ୍ବଇ ଇଣ୍ଡିଆନ୍ସର ରୋହିତ ଶର୍ମା ୱାଙ୍ଖଡେ ଷ୍ଟାଡ଼ିୟମରେ ୨୨୯୫ରନ କରିଛନ୍ତି। ଯାହା ଗୋଟିଏ ଷ୍ଟାଡ଼ିୟମରେ ଦ୍ବିତୀୟ ସର୍ବାଧିକ ସ୍କୋର ଭାବେ ରହିଛି। ସେହିପରି ଦକ୍ଷିଣ ଆଫ୍ରିକାର ପୂର୍ବତନ ବ୍ୟାଟ୍ସମ୍ୟାନ ଏ.ବି ଡିଭିଲିୟର୍ସ ଏମ୍ ଚିନ୍ନାସ୍ବାମୀ ଷ୍ଟାଡ଼ିୟମରେ ୧୯୬୦ରନ କରିଛନ୍ତି।
