ସମାଜ ଡିଜିଟାଲ ଡେସ୍କ: ଅଦ୍ୟାବଧି ଆପଣ ଅନେକ ବାଇକ୍ ଦେଖିଥିବେ, ଯେଉଁଥିରେ ଆପଣଙ୍କୁ ଆକର୍ଷଣୀୟ ବୈଶିଷ୍ଟ୍ୟ ମିଳୁଥିବ। କେବଳ ଏତିକି ନୁହେଁ, ଯାହାର ଡିଜାଇନ୍ ମଧ୍ୟ ଆପଣଙ୍କୁ ବହୁତ ଭଲ ଲାଗିଥିବ। କିନ୍ତୁ ଆଜି ଆମେ ଆପଣଙ୍କୁ ଏଭଳି ଏକ ବାଇକ୍ ବିଷୟରେ କହିବୁ, ଯାହାକୁ ଆପଣ ନିଜ ସୁଟକେସରେ ପୁରାଇ ଯେକୌଣସି ସ୍ଥାନକୁ ନେଇପାରିବେ। ଯେତେବେଳେ ଆପଣ ପାଦରେ ଚାଲିବାକୁ ଇଚ୍ଛା କରିବେ ସେତେବେଳେ ଏହାକୁ ଫୋଲ୍ଡ କରି ସୁଟ୍କେସ୍ରେ ଭର୍ତ୍ତି କରି ନେଇପାରିବେ। ଏଥି ସହିତ ଯେତେବେଳେ ଚାହିଁବେ ଏହାକୁ ଚଲାଇପାରିବେ। ଏହି ଜବରଦସ୍ତ ବାଇକ୍ର ନାଁ ହେଉଛି Di Blasi R7।
Di Blasi R7: ସୁଟ୍କେସ୍ ବାଇକ୍
ଏହି ବାଇକ୍ଟି କେମିତି ଏବଂ ଏହା କିପରି ଚାଲେ ସେ ବିଷୟରେ କହିବାକୁ ଗଲେ, ବ୍ଲାସି “ଏକ୍ସପ୍ରେସ” ପକ୍କା ରାସ୍ତାରେ ଚାଲିପାରିବ। ଏହି ବାଇକଟି ଇଟାଲୀର ବାଇକ୍ ନିର୍ମାତା କମ୍ପାନୀ ଦ୍ଵାରା ନିର୍ମିତ, ଯାହା ସିସିଲିର ଭିଜିନିରେ ଅବସ୍ଥିତ। ବାଇକ୍ର ଆଗ ଓ ପଛରେ ଦିଆଯାଇଥିବା ସକ୍ ଏବ୍ଜର୍ବର୍ ଓ ଚଉଡ଼ା ଟାୟାର ସହ ଆପଣ ଏହାକୁ କଚା ରାସ୍ତାରେ ମଧ୍ୟ ଚଲାଇପାରିବେ। ଘଣ୍ଟା ପ୍ରତି ଏହାର ସର୍ବାଧିକ ବେଗ ୪୦ କିମି। “ଏକ୍ସପ୍ରେସ”ରେ ଏକ ଶକ୍ତିଶାଳୀ ଯାନ୍ତ୍ରିକ ଟର୍କ କନଭର୍ଟର ଭେରିଓମେଟିକ୍ ଟ୍ରାନ୍ସମିସନ୍ ଦିଆଯାଇଛି। ଏହା ବାଇକକୁ ପାହାଡ଼ିଆ ରାସ୍ତାରେ ସହଜରେ ଯିବାକୁ ସାହାଯ୍ୟ କରିଥାଏ। ଏହି ବାଇକ୍ ସାମାଜିକ ଗଣମାଧ୍ୟମରେ ବେଶ୍ ଭାଇରାଲ୍ ହେବାରେ ଲାଗିଛି ଏବଂ ଲୋକମାନେ ଏହାକୁ ବହୁତ ପସନ୍ଦ ମଧ୍ୟ କରୁଛନ୍ତି। ଲୋକେ ଏହି ବାଇକ୍ର ଖୁବ୍ ପ୍ରଶଂସା କରୁଛନ୍ତି।
Cool Vintage Suitcase Bike.
1978 Di-Blasi R7 pic.twitter.com/suPMuGs6d6— Game of X (@froggyups) May 5, 2024
ଦାମ୍ ଏବଂ ଉପଲବ୍ଧତା:
ବର୍ତ୍ତମାନ ସମୟରେ ଉପଲବ୍ଧ Di Blasi R7ର ମୂଲ୍ୟ ପ୍ରାୟ ୩୪୮,୦୦୦ ଟଙ୍କା ରହିଛି। ଏହା ଏକ ଫୋଲ୍ଡିଂ ଇଲେକ୍ଟ୍ରିକ୍ ବାଇକ୍, ଯାହା ୫୦ କିଲୋମିଟର ପର୍ଯ୍ୟନ୍ତ ରେଞ୍ଜ୍ ଦେଇପାରେ। ଏହାର ବ୍ୟାଟେରୀ କ୍ଷମତା ମଧ୍ୟ ଭଲ, ଏଥିରେ ଆପଣ ଲଗେଜ୍ ମଧ୍ୟ ନେଇପାରିବେ। ସାଧାରଣତଃ ଏହାର ଲଗେଜ୍ ବାକ୍ସ ପଛରେ ଥାଏ। ଏହି ବାଇକ୍ର କିଛି ମଡେଲ୍ ବନ୍ଦ ହୋଇଯାଇଛି, କିନ୍ତୁ ସମୟ ସହ ଅପଡେଟ୍ ଭର୍ସନରେ ଏହା ବଜାରରେ ଉପଲବ୍ଧ ରହିଥାଏ।
