ଭାରତୀୟ ପରମ୍ପରାରେ ପୂଜା ସମୟରେ ଦୀପ, ଧୂପ ,ନୈବେଦ୍ୟ ଅର୍ପଣ କରାଯାଇଥାଏ । ଆଜିକାଲି ଧୂପ କାଠିର ବହୁଳ ବ୍ୟବହାର କରାଯାଉଛି । ମାତ୍ର ପୂଜା ସମୟରେ ବାଉଁଶ ଜାଳିବା ଅଶୁଭ ବୋଲି କୁହାଯାଏ । ଅଧିକାଂଶ ଧୂପକାଠି ବାଉଁଶରେ ବ୍ୟବହାର କରାଯାଇଥାଏ । ଆଗରୁ ହୋମ ଓ ଯଜ୍ଞରେ ବି ବାଉଁଶ ବ୍ୟବହାର କରାଯାଉ ନ ଥିଲା । କି ଏପରି କରିବାର ବିଧି ନାହିଁ । ଏଥିପାଇଁ ଧୂପ କାଠି ବ୍ୟବହାର କରିବାକୁ ବାରଣ କରାଯାଇଛି । ପାରମ୍ପରିକ ଧୂପଦାନିରେ ନଡିଆ କତା ହେଉ କି ଅନ୍ୟ ସୁଗନ୍ଧି ଦ୍ରବ୍ୟ , ଝୁଣା ,କର୍ପୂରକୁ ବ୍ୟବହାରା କରି ଧୂପ ଦେଲେ ଏହା ଅଧିକ ଉପାଦେୟ ହୋଇଥାଏ ।
ପୂଜା ସମୟରେ ପାଟି ଗନ୍ଧ ହେଉଥିଲେ ବି ଭଲ ନୁହେଁ .। ପାଟିକୁ ସଫା କରି ଭଲ କପଡା ପିନ୍ଧି ପରିଷ୍କାର ପରିଚ୍ଛନ ହୋଇ ପୂଜା କରନ୍ତୁ । ପୂଜା ସମୟରେ ଚିରା କପଡା ପିନ୍ଧନ୍ତୁ ନାହିଁ । ଏଥିଯୋଗୁଁ ଦାରିଦ୍ର୍ୟ ଆସିଥାଏ ବୋଲି ବିଶ୍ୱାସ ରହିଛି ।
ଗଣେଶ ଓ ଶିବଙ୍କୁ ତୁଳସୀ ପତ୍ର ଅର୍ପଣ କରନ୍ତୁ ନାହିଁ ।
ସ୍ନାନ ନ କରି ତୁଳସୀ ପତ୍ର ତୋଳନ୍ତୁ ନାହିଁ ।