ପିପିଲି :ପିପିଲି ବ୍ଲକ ତେଇସିପୁର ପଞ୍ଚାୟତର ପୋଡଙ୍ଗ କଲ୍ୟାଣମଣ୍ଡପ ଠାରେ କଂଗ୍ରେସର ସାଂଗଠନିକ ବୈଠକ ଅନୁଷ୍ଠିତ ହୋଇଯାଇଛି। ବରିଷ୍ଠ କଂଗ୍ରେସ ନେତା ଟୁଟୁ ପରିଡାଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ରାଜ୍ୟ କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର ଯୋଗଦେଇ ପିପିଲି-ଡେଲାଙ୍ଗ ନିର୍ବାଚନ ମଣ୍ଡଳୀରେ କଂଗ୍ରେସ ଦଳକୁ ଅଧିକ ମଜବୁତ୍ କରି ଦଳର ପୁରୁଣା ଗଡକୁ ଫେରିପାଇବା ସଂକ୍ରାନ୍ତରେ ମାନସମନ୍ଥନ କରିଥିଲେ। ନିର୍ବାଚନମଣ୍ଡଳୀର ପ୍ରତ୍ୟେକ ଗ୍ରାମରେ ଥିବା ପୁରୁଖା କଂଗ୍ରେସ କର୍ମୀ ଓ ସମର୍ଥକଙ୍କୁ ଅଧିକ କ୍ରୀୟାଶୀଳ କରାଯିବା ଉପରେ କେତେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଥିଲା।
ଆଗାମୀ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ପିସିସି ସଭାପତିଙ୍କ ନିର୍ଦ୍ଦେଶକ୍ରମେ କଂଗ୍ରେସ କର୍ମୀମାନେ ଘରକୁ ଘର ବୁଲି ନୂତନ ଭୋଟରଙ୍କୁ ଦଳରେ ସାମିଲ କରାଇବା ସହ କଂଗ୍ରେସର ସାଙ୍ଗଠନିକ ଶକ୍ତିକୁ କିପରି ବୃଦ୍ଧି କରିବେ ସେସଂପର୍କରେ ବୈଠକରେ ଆଲୋଚନା ହୋଇଥିଲା। ଏଥିରେ ଅନ୍ୟମାନଙ୍କ ମଧ୍ୟରେ ବରିଷ୍ଠ କଂଗ୍ରେସନେତା ପୂର୍ଣ୍ଣଚନ୍ଦ୍ର ସ୍ୱାଇଁ, ଜୟମନ୍ୟୁ ସାମନ୍ତରାୟ, ମାନସ ଦାଶ, ରଞ୍ଜିତ ମହାପାତ୍ର, ନବଘନ ବେହେରା, ଅଭିନୟ ବରାଳ, ସୁଦାମ ସାହୁ, ମାଧବ ମୁଦୁଲି, କୃଷ୍ଣଚନ୍ଦ୍ର ପରିଡା, ଭାସ୍କର ସାହୁ, ରବିନ୍ଦ୍ର ସ୍ୱାଇଁ, ଅପର୍ତ୍ତି ପୃଷ୍ଟି, ସୁରେନ୍ଦ୍ର ପ୍ରଧାନ, ବିଶ୍ୱରଞ୍ଜନ ମିଶ୍ର ପ୍ରମୁଖ ଯୋଗଦେଇ ନିଜନିଜର ମତ ରଖିଥିଲେ।
Comments are closed.