ନୂଆଦିଲ୍ଲୀ : ଦିଲ୍ଲୀରେ ସ୍କୁଲକୁ ବୋମା ବିସ୍ଫୋରଣର ଧମକ ଦେଇଥିବା ଅଭିଯୁକ୍ତକୁ ପୁଲିସ ଗିରଫ କରିଥିବା ଶୁକ୍ରବାର ଖବର ସାମ୍ନାକୁ ଆସିଛି । ପାଖାପାଖି ୨୩ଟି ସ୍କୁଲକୁ ବୋମା ବିସ୍ଫୋରଣ ଧମକ ମିଳିଥିଲା । ଜଣେ ଦ୍ୱାଦଶର ଛାତ୍ର ଏହି ଧମକପୂର୍ଣ୍ଣ ଇମେଲ୍ ପଠାଇଥିଲା । ଛାତ୍ର ଜଣକ ନିଜର ଦୋଷ ସ୍ୱୀକାର କରିଛନ୍ତି । ଏହାସହ ପୂର୍ବରୁ ମଧ୍ୟ ଧମକପୂର୍ଣ୍ଣ ମେଲ୍ ପଠାଇଥିବା ଛାତ୍ର ଜଣକ କହିଛି । ପୁଲିସ ଘଟଣାକୁ ଗମ୍ଭୀରତାର ସହ ନେଇ ଘଟଣାର ତଦନ୍ତ ଜାରି ରଖିଛି । ଏହି ଘଟଣା ସ୍କୁଲର ସୁରକ୍ଷା ପାଇଁ ଅନେକ ଚିନ୍ତାମୂଳକ ପରିସ୍ଥିତି ସହ ଭୟର ବାତାବରଣ ସୃଷ୍ଟି କରିଥିଲା ।
ଦକ୍ଷିଣ ଦିଲ୍ଲୀର ଡିସିପି ଅଙ୍କିତ୍ ଚୌହାନ କହିଛନ୍ତି, ଦିଲ୍ଲୀର ବିଭିନ୍ନ ସ୍କୁଲକୁ ପୂର୍ବରୁ ମିଳିଥିବା ୨୩ଟି ଧମକପୂର୍ଣ୍ଣ ଇମେଲ୍ ଦ୍ୱାଦଶରେ ପଢୁଥିବା ଏହି ଛାତ୍ର ଜଣକ ପଠାଇଥିଲେ। ପଚରାଉଚରା ସମୟରେ ଛାତ୍ର ଜଣକ ନିଜର ସମସ୍ତ ଦୋଷ ସ୍ୱୀକାର କରିଥିବା ଜଣାପଡିଛି । ପୁଲିସ କହିଛି, ବୁଧବାର ଦିଲ୍ଲୀରେ ଅନେକ ସ୍କୁଲକୁ ବୋମାରେ ଉଡାଇ ଦେବାକୁ ଧମକପୂର୍ଣ୍ଣ ଇମେଲ୍ ମିଳିଥିଲା । ଧମକ ମିଳିଥିବା ସ୍କୁଲ ତାଲିକାରେ ବସନ୍ତ ବିହାର ଓ ଆରକେ ପୁରମରେ ଦିଲ୍ଲୀ ପବ୍ଲିକ୍ ସ୍କୁଲ୍ ଭଳି ସ୍କୁଲ୍ ସାମିଲ ରହିଛି ।
ମକର ସଂକ୍ରାନ୍ତି ପରଠାରୁ ଏହି ରାଶି ହେବେ ମାଲାମାଲ୍, କିଣିବେ ଭୂମି,ଘର, ହେବେ ଭାଗ୍ୟଶାଳୀ..
ଇମେଲ୍ରେ ଦାବି କରାଯାଇଥିଲା, ସ୍କୁଲ ପରିସରରେ ଅଧିକ ମାତ୍ରାରେ ବିସ୍ଫୋରକ ସାମଗ୍ରୀ ରଖାଯାଇଥିଲା। ଅଧିକାରୀ ବତ୍ତର୍ମାନ ମଧ୍ୟ ଧମକ ବିଷୟରେ ଅଧିକରୁ ଅଧିକ ଯାଞ୍ଚ କରୁଛନ୍ତି। ଯାହା ବିଭିନ୍ନ ସ୍କୁଲକୁ ପଠାଇଯାଇଥିଲା । ଏହି ଧମକପୂର୍ଣ୍ଣ ମେଲ୍ରେ କୁହାଯାଇଥିଲା, ସ୍କୁଲରେ ପ୍ରବେଶ କରିବାକୁ ଥିବା ଛାତ୍ରଛାତ୍ରୀଙ୍କ ବ୍ୟାଗ୍କୁ ସଠିକ୍ ଭାବେ ଯାଞ୍ଚ କରାଯାଇନଥିବାରୁ ନିଜକୁ ଯୋଜନାକୁ ସହଜରେ ସଫଳ କରିବାକୁ ସୁଯୋଗ ମିଳିଛି। ମେଲ୍ ଅନୁସାରେ, ପରୀକ୍ଷା କାର୍ଯ୍ୟକ୍ରମ ଓ ସ୍କୁଲ ପରିସରରେ ଛାତ୍ରଛାତ୍ରୀଙ୍କ କାର୍ଯ୍ୟକଳାପ ବିଷୟରେ, ପରୀକ୍ଷା ଦେଉଥିବା ଛାତ୍ରଛାତ୍ରୀଙ୍କ ବ୍ୟତୀତ ଅନ୍ୟମାନେ ବାହାରେ କିମ୍ବା ପରିସରରେ ଥିବେ ବୋଲି ମେଲ୍ ପଠାଇଥିବା ଅଭିଯୁକ୍ତକୁ ଜଣାଥିଲା । ପରିସରରେ ପ୍ରମୁଖ ସ୍ଥାନ ମାନଙ୍କରେ ପୂର୍ବରୁ ଲଗାଯାଇଥିବା ବିନାଶକାରୀ ବିସ୍ଫୋରକ ବିଷୟରେ ସେମାନେ ଅଜଣା ଥିବେ ବୋଲି ମେଲ୍ରେ ଉଲ୍ଲେଖ ଥିଲା।
Comments are closed.