ଝାରସୁଗୁଡା : ହୋଇପାରିଲାନି ଝାରସୁଗୁଡା କିରମିରା ବ୍ଲକ୍ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ଭୋଟ । ସମିତି ସଭ୍ୟ କିମ୍ବା ସରପଞ୍ଚ କେହି ଭୋଟ୍ ଦେବାକୁ ଆସିଲେନାହିଁ । କେହି ନଆସିବାରୁ ଅପେକ୍ଷା କରି କରି ଶେଷରେ ନିର୍ବାଚନ ଅଧିକାରୀ ଫେରିଯିବାରୁ ଅନାସ୍ଥା ଭୋଟିଂ ହୋଇପାରିନାହିଁ । ସକାଳ ୧୦ଟାରେ ଅନାସ୍ଥା ଭୋଟିଂ ଆରମ୍ଭ ହୋଇଥାନ୍ତା । ତେବେ ନିର୍ବାଚନ ଅଧିକାରୀ ଦୀର୍ଘ ସମୟ ଅପେକ୍ଷା ପରେ ବି କେହି ଆସିନଥିଲେ ।
ଅନ୍ୟପଟେ ଅନାସ୍ଥା ଭୋଟରେ ଯୋଗଦେବାକୁ ଆସୁଥିବା ପିଆରଆଇ ମେମ୍ବରଙ୍କ ସମେତ ନବ ଦାସଙ୍କ ପୁଅ ବିଶାଲ ଦାସଙ୍କୁ ଗତକାଲି ରାତିରୁ ଅଟକ ରଖିଛି ଛତିଶଗଡ଼ ପୁଲିସ । ଗୁରୁବାର ସମ୍ବଲପୁର ଆଇଜିଙ୍କ ଭେଟି ପିଆରଆଇ ସଦସ୍ୟଙ୍କ ପାଇଁ ସୁରକ୍ଷା ମାଗିଥିଲେ ବିଶାଲ ଦାସ । ତାଙ୍କ ବାପାଙ୍କୁ ପୁଲିସ ହତ୍ୟା କରିବା ପରଠୁ ସେ ପୁଲିସକୁ ଦେଖିଲେ ଭୟ କରୁଛନ୍ତି ବୋଲି କହିଥିଲେ । ତେବେ ଗତକାଲି ରାତିରୁ ପୁଲିସ ସେମାନଙ୍କୁ ଅଟକ ରଖିବା ପରେ ଏଭଳି ଗଣତନ୍ତ୍ର ଚଳିବ ନାହିଁ ବୋଲି କହିଛନ୍ତି ବିଶାଲ ।
