ନୂଆଦିଲ୍ଲୀ : ଚଳିତ ବର୍ଷ ଆପଲର ଲାଟେଷ୍ଟ ଆଇଫୋନ୍ ୧୭ ସିରିଜ ଲଞ୍ଚ୍ ହୋଇପାରେ । ଫ୍ୟାନ୍ସ ଏହାକୁ ଅପେକ୍ଷା କରି ରହିଛନ୍ତି । କିନ୍ତୁ ଏହି ସିରିଜର ଲଞ୍ଚ୍ ପୂର୍ବରୁ ଆପଲ ପାଇଁ ଏକ ଖରାପ ଖବର ଆସି ପହଞ୍ଚିଛି । ଇଣ୍ଡୋନେସିଆ କହିଛି କି ଯଦି ଆପଲ ସ୍ଥାନୀୟ ଉତ୍ପାଦନ ନିୟମର ପାଳନ କରିବନି ତେବେ ଦେଶରେ ଆଇଫୋନ୍ ୧୭ର ବିକ୍ରି ଉପରେ ରୋକ୍ ଲାଗିପାରେ ।
ଇଣ୍ଡୋନେସିଆ ପୂର୍ବରୁ ଆପଲର ଆଇଫୋନ୍ ୧୬ର ବିକ୍ରି ଉପରେ ରୋକ ଲଗାଇଛି । ଇଣ୍ଡୋନେସିଆ ଆପଲକୁ ଚେତାବନୀ ଦେଇଛି କି ଯଦି କମ୍ପାନୀ ନିଜ ଫୋନ ପ୍ରସ୍ତୁତ ପାଇଁ ଜରୁରି ସାମଗ୍ରୀ ସେଠାରୁ ନକିଣେ ତେବେ ଆଇଫୋନ୍ ୧୭ର ବିକ୍ରିରେ ରୋକ୍ ଲଗାଇ ଦିଆଯିବ । ଇଣ୍ଡୋନେସିଆ ଚାହୁଁଛି କି ଆପଲ ନିଜ ଫୋନ ପ୍ରସ୍ତୁତ ପାଇଁ ଆବଶ୍ୟକ ହେଉଥିବା ସର୍ବନିମ୍ନ ୪୦ ପ୍ରତିଶତ ସାମଗ୍ରୀ ସେଠାରେ ହିଁ ନିର୍ମାଣ ବ୍ୟବସ୍ଥା କରୁ ।
ନିକଟରେ ଆପଲ ଦେଶରେ ଏୟାରଟ୍ୟାଗ୍ ଟ୍ରାକିଂ ଡିଭାଇସ ପ୍ରସ୍ତୁତ ପାଇଁ ୧ ବିଲିୟନ୍ ଡଲାର ନିବେଶ କରିବାକୁ ପ୍ରସ୍ତାବ ଦେଇଥିଲା କିନ୍ତୁ ଅଧିକାରୀଙ୍କ କହିବାନୁସାରେ ଏହା ଯଥେଷ୍ଟ ନୁହେଁ । ଇଣ୍ଡୋନେସିଆର ନିୟମ ଅନୁସାରେ ସ୍ମାର୍ଟଫୋନର ୪୦ ପ୍ରତିଶତ ପାର୍ଟ ସେଠାରେ ପ୍ରସ୍ତୁତ ହେବା ଉଚିତ୍ । ଯଦି ଆପଲ ଇଣ୍ଡୋନେସିଆର ନିୟମ ପାଳନ କରିବନି ତେବେ ସେଠାରେ ନିଜ ଫୋନ୍ ବିକ୍ରି କରିପାରିବ ନାହିଁ ।
