ଫୁଲବାଣୀ :ବୁଧବାର ବିଳମ୍ବିତ ରାତ୍ରରେ ଫୁଲବାଣୀ ଟାଉନଥାନା ଅନ୍ତର୍ଗତ ଏଫସିଆଇ ଗୋଦାମ ନିକଟସ୍ଥ ଅରବିନ୍ଦ ନଗର ଗଳିରୁ ୩ ଜଣ ଶିଶୁଙ୍କୁ ଉଦ୍ଧାର କରିଛି କନ୍ଧମାଳ ଚାଇଲ୍ନ ହେଲ୍ପ ଲାଇନ୍। ୧୦୯୮ ସଂପର୍କିତ କଣ୍ଟ୍ରୋଲ ରୁମରୁ ସୂଚନା ପ୍ରକାରେ , ପୁଲିସ୍ ସହାୟତରେ ୩ ଜଣ ଶିଶୁଙ୍କୁ ଅସହାୟ ଅବସ୍ଥାରେ ଉଦ୍ଧା କରାଯାଇଛି। ଉଦ୍ଧାର ହୋଇଥିବା ତିନିଜଣ ଶିଶୁଙ୍କ ମଧ୍ୟରୁ ୨ ଜଣ ବାଲିକା ଶିଶୁ ଓ ଜଣେ ବାଳକ ଶିଶୁ ବୋଲି ଜିଲା ଶିଶୁ ସୁରକ୍ଷା ଅଧିକାରୀ ରଶ୍ମିତା କରନ୍ ସୂଚନା ଦେଇଛନ୍ତି।
ଉଦ୍ଧାର ଶିଶୁମାନଙ୍କୁ ପଚରାଉଚରା ପରେ ସେମାନେ ଫିରିଙ୍ଗିଆ ଥାନା ଅନ୍ତର୍ଗତ ନୂଆପଦର ବିଲୁପଦର ନିବାସି ପିତା ଅନିଲ ସାହାଣୀ ଓ ମାତା ଗୀତାଞ୍ଜଳୀ ସାହାଣୀ ବୋଲି ପ୍ରକାଶ କରିଥିବା ସୂଚନା ଦିଆଯାଇଛି। ଉଦ୍ଧାର ବେଳେ ସମସ୍ତ ଶିଶୁ ଭୋକିଲା ଥିବାବେଳେ ଜଣେ ଶିଶୁ ଭୋକିଲା କାରଣରୁ ଅସୁସ୍ଥ ଥିବାରୁ ତୁରନ୍ତ ତାଙ୍କୁ ଚିକିତ୍ସା ପାଇଁ ଫୁଲବାଣୀ ମୁଖ୍ୟ ଚିକିତ୍ସାଳୟର ଶିଶୁ ବିଭାଗରେ ଭର୍ତ୍ତି କରାଯାଇ ଚିକିତ୍ସିତ କରାଯାଇଛି। ବଡ଼ ଝିଅକୁ ସକ୍ଷୀ ସେଣ୍ଟରରେ ଥଇଥାନ କରାଯାଇଥିବା ବେଳେ ମଝିଆ ପୁଅକୁ ମୂଳଗୁଦାରୀ ସ୍ଥିତ ସାଦନ ଶିଶୁ ଯତ୍ନ ଅନୁଷ୍ଠାନରେ ଥଇଥାନ କରାଯାଇଛି। ଉଦ୍ଧାର ହୋଇଥିବା ଶିଶୁମାନେ ଗୋଟିଏ ପରିବାରର ଏବଂ ତାଙ୍କ ଜନ୍ମିତ ପିତାମାତା କୌଣସି କାରଣ ବଶତଃ ସେମାନଙ୍କୁ ଉଦ୍ଧାର କରାଯାଇଥିବା ସ୍ଥାନରେ ଛାଡ଼ି କୁଆଡ଼େ ଫେରାର୍ ହୋଇ ଯାଇଥିବାର ସନ୍ଦେହ କରାଯାଇଛି। ଫୁଲବାଣୀ ଟାଉନ ଥାନା ପୁଲିସ୍ ଘଟଣାର ତଦନ୍ତ ମଧ୍ୟ ଆରମ୍ଭ କରିଛି।
