ଡେସ୍କ: ଅନ୍ତର୍ଜାତୀୟ ମହାକାଶ ଷ୍ଟେସନ୍ (ଆଇଏସ୍ଏସ୍)ରେ ଫସି ରହିଥିବା ଆମେରିକୀୟ ମହାକାଶଚାରୀ ସୁନୀତା ୱିଲିୟମ୍ସ ନୂଆବର୍ଷ ଅର୍ଥାତ୍ ୨୦୨୫ ଜାନୁଆରୀ ୧ରେ ୧୬ଟି ସୂର୍ଯ୍ୟୋଦୟ ଦେଖିଛନ୍ତି। ୱିଲିୟମ୍ସ ‘ଏକ୍ସପେଡିସନ ୭୨’ ମିଶନର କମାଣ୍ଡର ଅଟନ୍ତି, ଯେଉଁଥିରେ ସାଥୀ ଫ୍ଲାଇଟ୍ ଇଞ୍ଜିନିୟର ଆଲେକ୍ସ ଓଭ୍ଚିନିନ, ବୁଚ୍ ୱିଲମୋର, ଇଭାନ୍ ଭାଗନର, ଡନ୍ ପେଟିଟ୍, ଆଲେକ୍ସାଣ୍ଡର ଗୋରବୁନୋଭ ଏବଂ ନିକ୍ ହେଗ୍ ମଧ୍ୟ ଅଛନ୍ତି।
୨୦୨୪ ଶେଷ ହେଉଥିବା ସମୟରେ ଅର୍ବିଟାଲ ଆଉଟପୋଷ୍ଟରୁ ବର୍ଷ ବର୍ଷ ଧରି ଚିତ୍ରିତ ଅନେକ ସୂର୍ଯ୍ୟାସ୍ତ ଦେଖିବାକୁ ମିଳୁଛି ବୋଲି ଆଇଏସ୍ଏସ୍ ଏକ୍ସରେ ଏକ ପୋଷ୍ଟରେ କହିଛି। ଆଇଏସ୍ଏସ୍ ପୃଥିବୀ ପରିକ୍ରମା କରୁଥିବା ବେଳେ ଦୈନିକ ପ୍ରାୟ ୧୫.୫ ଥର ସୂର୍ଯ୍ୟୋଦୟ ହୋଇଥାଏ। ତାହାକୁ ଆଧାର କରି ମହାକାଶଚାରୀ ୧୬ ଥର ସୂର୍ଯ୍ୟୋଦୟ ଦେଖିଥିବା କୁହାଯାଇଛି। କାରଣ ଏହା ପ୍ରାୟ ୪୦୦ କିଲୋମିଟର (୨୫୦ ମାଇଲ) ଉଚ୍ଚତାରେ ଘଣ୍ଟାପ୍ରତି ହାରାହାରି ୨୮,୦୦୦ କିଲୋମିଟର (୧୭,୫୦୦ ମାଇଲ) ବେଗରେ ଗତି କରିଥାଏ। ପ୍ରତ୍ୟେକ କକ୍ଷପଥ ସମ୍ପୂର୍ଣ୍ଣ ହେବାକୁ ପ୍ରାୟ ୯୦ ମିନିଟ୍ ସମୟ ଲାଗିଥାଏ।
Spacewalking into 2025 🧑🚀
As we look forward to the #NewYear, take in new perspectives and keep exploring beyond. What are you looking forward to in 2025? pic.twitter.com/bgxVoh1Bqy
— NASA's Johnson Space Center (@NASA_Johnson) December 31, 2024
ୱିଲିୟମ୍ସ ଏବଂ ୱିଲ୍ମୋର ଚଳିତ ବର୍ଷ ଜୁନ୍ ମାସରେ ଏକ ନିର୍ଦ୍ଧାରିତ ଆଠ ଦିନିଆ ମିଶନ ପାଇଁ ଆଇଏସ୍ଏସ୍ ଯାଇଥିଲେ। କିନ୍ତୁ ଫେରିବାକୁ ଥିବା ବୋଇଂ ଷ୍ଟାରଲାଇନର କ୍ୟାପସୁଲରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ସେମାନେ ଫେରି ନ ପାରି ଅନ୍ତର୍ଜାତୀୟ ମହାକାଶ କେନ୍ଦ୍ରରେ ରହିଛନ୍ତି।
