ଲକ୍ଷ୍ନୌ : ଉତ୍ତରପ୍ରଦେଶର ଲକ୍ଷ୍ନୌରେ ନୂଆବର୍ଷରେ ଏକ ଛାତିଥରା ଘଟଣା ସାମ୍ନାକୁ ଆସିଛି। ଜଣେ ବ୍ୟକ୍ତି ନିଜର ପରିବାରର ହିଁ ୫ ଜଣଙ୍କୁ ହତ୍ୟା କରିଛି। ଯାହା ହଇଚଇ ସୃଷ୍ଟି କରିଛି। ନାକା ଥାନା ଅନ୍ତର୍ଗତ ସ୍ଥିତ ଏକ ହୋଟେଲରେ ଏହି ଘଟଣା ଘଟିଛି । ମୃତକଙ୍କ ମଧ୍ୟରେ ୪ ଭଉଣୀ ଓ ମାଆ ଅଛନ୍ତି। ଏହି ହତ୍ୟାକାଣ୍ଡ ପରେ ପୁଲିସ ଅଭିଯୁକ୍ତ ପୁଅକୁ ତୁରନ୍ତ ଗିରଫ କରିବା ସହ ଘଟଣାର ତଦନ୍ତ ଆରମ୍ଭ କରିଛି। ଅଭିଯୁକ୍ତ ଆଗ୍ରା ଜିଲାର ବାସିନ୍ଦା ବୋଲି ପ୍ରାଥମିକ ତଦନ୍ତରୁ ଜଣାପଡିଛି। ହତ୍ୟାକାଣ୍ଡର କାରଣ ପରିବାରିକ କଳହ ବୋଲି ପ୍ରାଥମିକ ତଦନ୍ତରୁୁ ଜଣାପଡିଛି । ଖାଦ୍ୟରେ ନିଶା ପଦାର୍ଥ ମିଶାଇବା ସହ ହାତର ଶିରାକାଟି ହତ୍ୟା କରାଯାଇଥିବା ସନ୍ଦେହ କରାଯାଉଛି। ମୃତକଙ୍କ ଶରୀରରେ ଗଭୀର କ୍ଷତ ଚିହ୍ନ ମଧ୍ୟ ରହିଛି।
ମିଳିଥିବା ସୂଚନାନୁଯାୟୀ, ଅଭିଯୁକ୍ତ ଗତକାଲି ହିଁ ହୋଟେଲ ପହଞ୍ଚିଥିଲା । ଏହି ହୋଟେଲ ଲଖନଉର ଚାରବାଗ୍ ରେଳ ଷ୍ଟେସନର ନିକଟରେ ରହିଛି। ବୁଧବାର ସକାଳେ ଘଟଣା ବିଷୟରେ ଖବର ପାଇ ପୁଲିସ ତୁରନ୍ତ ପହଞ୍ଚି ଘଟଣାର ତଦନ୍ତ ଜାରି ରଖିଛି। ହୋଟେଲରୁ ୫ ଜଣଙ୍କ ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି ।
ହୋଟେଲର ଯେଉଁ କକ୍ଷରେ ଏହି ପରିବାର ରହିଥିଲା, ସେଠାରେ ପୁଲିସ ଖାଲି ରକ୍ତ ଛିଟା ହିଁ ଦେଖିବାକୁ ପାଇଥିଲା । ଅଭିଯୁକ୍ତର ବାପାଙ୍କ ଏଯାଏଁ କୌଣସି ପତ୍ତା ମିଳିନଥିବା ବେଳେ ପୁଲିସ ତାଙ୍କୁ ଖୋଜାଖୋଜି ଜାରି ରଖିଛି ।
ନୂଆବର୍ଷରେ ପହିଲାରୁ ହେଲା ଏହି ୫ଟି ବଡ ପରିବର୍ତ୍ତନ; ତାଲିକାରେ ୟୁପିଆଇ,ଏଲପିଜି..
Comments are closed.