ରାଉରକେଲା: ଜୀବନ ଯୁଦ୍ଧରେ ହାରିଗଲେ ରାଉରକେଲାର ପୀଡିତା । ସୁନ୍ଦରଗଡ ଜିଲା ରାଜଗାଙ୍ଗପୁରରେ ଆତ୍ମାହୁତି ଉଦମ୍ୟ କରିଥିବା ଯୁକ୍ତ ତିନି ଛାତ୍ରୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଗୁରୁତର ଛାତ୍ରୀ ରାଉରକେଲା ଆଇଜିଏଚରେ ଚିକିତ୍ସିତ ହେଉଥିବା ବେଳେ ଗତକାଲି ବିଳମ୍ବିତ ରାତିରେ ଆଖି ବୁଜିଛନ୍ତି । ନିଜ ଶରୀରରେ କିରୋସିନ ଢାଳି ନିଆଁ ଲଗାଇଥିଲେ ନାବାଳିକା ଛାତ୍ରୀ ।
ଶରୀରର ୯୨ପ୍ରତିଶତ ପୋଡି ଯାଇଥିବା ବେଳେ ଆଇଜିଏଚରେ ବର୍ଣ୍ଣ ସେଣ୍ଟରରେ ଚିକିତ୍ସିତ ହେଉଥିଲେ । ସ୍ୱାସ୍ଥ୍ୟବସ୍ଥା ସ୍ଥିର ରହିଥିଲେ ତାଙ୍କୁ ଏୟାଲିଫ୍ଟ କରି ଏମ୍ସରେ ଆଡମିଟ୍ କରାଯାଇଥାନ୍ତା । ହେଲେ ଏହା ପୂର୍ବରୁ ତାଙ୍କର ମୃତ୍ୟୁ ହୋଇଛି । ପୀଡିତାଙ୍କ ମୃତ୍ୟୁ ପରେ କ୍ଷତିପୂରଣ ଦାବିରେ ପରିବାର ଲୋକେ ହସ୍ପିଟାଲ ସମ୍ମୁଖରେ ଧାରଣାରେ ବସିଛନ୍ତି ।
ପୀଡିତାଙ୍କ ବାପାଙ୍କ ବହୁ ପୂର୍ବରୁ ଦେହାନ୍ତ ହୋଇଥିବା ବେଳେ ଗରିବ ମାଟି ବହୁତ କଷ୍ଟରେ ଝିଅକୁ ପାଠପଢାଇ ମଣିଷ କରିବାକୁ ପ୍ରୟାସ କରୁଥିଲେ । ପରିବାର ଏବେ ଅସହାୟ ହୋଇଥିବାରୁ ସରକାରଙ୍କ ସାହାଯ୍ୟ ଲୋଡିଛନ୍ତି ।
