ଜ୍ୟୋତିଷ ଶାସ୍ତ୍ର ଅନୁସାରେ ଶୁକ୍ର ଗ୍ରହଙ୍କ କୃପାରୁ ଜୀବନରେ ସୁଖ-ସମୃଦ୍ଧି, ଧନ ସମ୍ପତ୍ତି, ଐଶ୍ୱର୍ଯ୍ୟ ଓ ଜୀବନସାଥୀଙ୍କ ସହ ହସଖୁସିରେ ସମୟ ଅତି ବାହିତ ହୋଇଥାଏ। ପ୍ରତ୍ୟେକ ସମୟରେ ଜୀବନସାଥୀ ସହଯୋଗ କରି ଥାନ୍ତି । ୨୮ ଡିସେମ୍ବରରେ ଶୁକ୍ର କୁମ୍ଭ ରାଶିରେ ଚଳନ କରିବେ। କୁମ୍ଭ ରାଶିଙ୍କ ସ୍ୱାମୀ ଶନି ଗ୍ରହ। ରାତି ୧୧ଟା ୨୮ ମିନିଟ୍ରେ କୁମ୍ଭ ରାଶିରେ ଶୁକ୍ର ପ୍ରବେଶ କରିବା ପରେ ଶନିଙ୍କ ସହ ଏକାଠି ହେବେ। ବର୍ଷର ଶେଷ ଶନିବାରରେ ଶନି-ଶୁକ୍ର ଏକାଠି ହେବା ଦ୍ୱାରା କୁମ୍ଭ ସହିତ ଏହି ୫ ରାଶି ବ୍ୟକ୍ତି ବିଶେଷ ଭାଗ୍ୟଶାଳୀ ହେବା ସହ ଆର୍ଥିକ ସ୍ଥିତି ଖୁବ୍ ମଜଭୁତ ହେବ।
ମେଷ – ଶୁକ୍ର ଗ୍ରହ ଧନ, ପ୍ରେମ, ବିବାହ ଓ ସମ୍ପର୍କର କାରକ । ଶୁକ୍ର ମେଷ ରାଶି ବ୍ୟକ୍ତି ବିଶେଷଙ୍କ ଲାଭ ଭାଗରେ ପ୍ରବେଶ କରିବେ। ଏହି ଚଳନ ଆପଣଙ୍କ ସମ୍ପର୍କ, କର୍ମକ୍ଷେତ୍ର ଓ ଆର୍ଥିକ ସ୍ଥିତି ଉପରେ ସକରାତ୍ମକ ପ୍ରଭାବ ପକାଇବ। ପରିବାର ଓ ବ୍ୟବସାୟରେ ଶୁଭଫଳ ପ୍ରାପ୍ତି ହେବ। ଚାକିରିରେ ପଦନ୍ନୋତି ସହ ଆୟର ନୂଆ ନୂଆ ରାସ୍ତା ସାମ୍ନାକୁ ଆସିବ। ଏହି ସମୟ ଖୁବ୍ ଶୁଭଙ୍କର ହେବ।
ମିଥୁନ – ଏହି ରାଶି ବ୍ୟକ୍ତି ବିଶେଷଙ୍କ ଭାଗ୍ୟରେ ଶୁଭଫଳ ମିଳିବ। ଆଧ୍ୟାତ୍ମିକତା ସହ ଯାତ୍ରାର କରିବାର ଯୋଗ ରହିଛି । ସମ୍ପର୍କରେ ଭଲ ପାଇବା ବୃଦ୍ଧି ହେବ। ପରିବାରରେ ହସଖୁସିର ବାତାବରଣ ରହିବ। ନୂଆ ବିଚାରଧାରାରେ ଆଗକୁ ବଢିବେ।
ସିଂହ – ସମ୍ପର୍କରେ ମଧୁରତା ବଢିବ। ବିଶେଷ କରି ଭାଇ-ଭଉଣୀଙ୍କ ସହ ଉତ୍ତମ ସମୟ ଅତିବାହିତ କରିବେ। ଯାତ୍ରାର ଯୋଗ ରହିଛି। କର୍ମକ୍ଷେତ୍ରରେ ଶୁଭଫଳ ମିଳିବ। ଅନେକ ଲାଭ ସହ ହଠାତ୍ ଧନ ପ୍ରାପ୍ତି ହେବ।
ମକର – ଏହି ଚଳନ ଫଳରେ ଜୀବନରେ ଅନେକ କ୍ଷେତ୍ର ପ୍ରଭାବିତ ହେବ। ବିଶେଷ କରି ପ୍ରେମ, ପରିବାର, ଧନ ଓ କର୍ମକ୍ଷେତ୍ରରେ ସମ୍ପର୍କ ମଜଭୁତ ସହ ଅନେକ ଶୁଭଫଳ ମିଳିବ। କର୍ମକ୍ଷେତ୍ରରେ ସମୃଦ୍ଧି ସହ ବ୍ୟବସାୟରେ ଲାଭ ହିଁ ଲାଭ ମିଳିବ। ଚାକିରିରେ ପଦନ୍ନୋତିର ଯୋଗ ରହିଛି।
କୁମ୍ଭ – ଜୀବନରେ ଅନେକ ସକରାତ୍ମକ ପରିବର୍ତ୍ତନ ହେବ। ଆତ୍ମବିଶ୍ୱାସ ବୃଦ୍ଧି ହେବ। ପରିବାରରେ ହସଖୁସିର ବାତାବରଣ ରହିବ। କର୍ମକ୍ଷେତ୍ରରେ ଉନ୍ନତି ସହ ନୂଆ ନୂଆ ସୁଯୋଗ ମିଳିବ।
