କିଛି ଲୋକେ ଅନେକ ସରଳ ଉପାୟ ଆପଣାଇବା ସହ ଘରର ସୁଖଶାନ୍ତି ପାଇଁ ଛୋଟ ଛୋଟ କଥା ପ୍ରତି ଧ୍ୟାନ ଦେଇଥାନ୍ତି । ଅନେକ ସମୟରେ ଏଭଳି ମଧ୍ୟ ଦେଖାଯାଏ ଘରେ ସାମାନ୍ୟ କାରଣରୁ ଦମ୍ପତି ଓ ପରିବାର ସଦସ୍ୟଙ୍କ ମଧ୍ୟରେ ଅଶାନ୍ତି, ଘରେ ଧନର ଅଭାବ, ଯେତେ ରୋଜଗାର କଲେ ମଧ୍ୟ ନିଅଣ୍ଟ ହୋଇଥାଏ । ବିଶେଷ କରି ବାସ୍ତୁ ଦୋଷ କାରଣରୁ ଏହି ସମସ୍ୟା ସୃଷ୍ଟି ହୋଇଥାଏ ବୋଲି କୁହାଯାଏ । ବାସ୍ତୁ ଦୋଷ କାରଣରୁ ରୋଗ ଲାଗି ରହିବା, ଧନର ଅଭାବ,ଘରେ ଅଶାନ୍ତି ଆଦି ସମସ୍ୟା ହୋଇଥାଏ । ତେବେ ଏହି ସମସ୍ତ ସମସ୍ୟାରୁ ମୁକ୍ତି ପାଇବା ପାଇଁ ଏକ ସରଳ ଉପାୟ ଜାଣନ୍ତୁ..
ଲୁଣ ଘରର ବାସ୍ତୁ ଦୋଷ ଦୂର କରିବା ପାଇଁ ଖୁବ୍ ଲାଭଦାୟକ। ଘରେ ଥିବା ସମସ୍ତ ନକରାତ୍ମକ ଶକ୍ତିକୁ ଏହା ଦୂର କରିଥାଏ ।
ଘର ପୋଛିବା ସମୟରେ ସେହି ପାଣିରେ କିଛି ଲୁଣ ପକାନ୍ତୁ । ଏହିପରି ସପ୍ତାହକୁ ୨ ରୁ ୩ ଥର ପାଣିରେ ଲୁଣ ମିଶାଇ ଘର ପୋଛିଲେ ସମସ୍ତ ବାସ୍ତୁ ଦୋଷ ସହ ଘରୁ ଅଶାନ୍ତି ଦୂର ହୋଇଥାଏ ।
ସେହିପରି ଗାଧୋଇବା ସମୟରେ ସେହି ପାଣିରେ ସାମାନ୍ୟ ଲୁଣ ମିଶାଇ ଦିଅନ୍ତୁ । ସାମାନ୍ୟ ହଳଦୀ ମଧ୍ୟ ମିଶାଇ ପାରିବେ। ଏହି ଉପାୟ ଦ୍ୱାରା ଘରୁ ଧନ ଅଭାବ ଦୂର ହେବା ସହ ପରିବାର ସଦସ୍ୟଙ୍କ ସହ ସମ୍ପର୍କ ମଧୁର ରହିଥାଏ ।
ଘରେ ମା’ଲକ୍ଷ୍ମୀଙ୍କ ବାସ ପାଇଁ ଘରେ ଲୁଣକୁ ୫ଟି ଭିନ୍ନ ଭିନ୍ନ ଡବାରେ ରଖନ୍ତୁ । ପ୍ରତି ଡବାରେ ଗୋଟିଏ ଗୋଟିଏ ଲବଙ୍ଗ ନିଶ୍ଚୟ ରଖନ୍ତୁ । ଏହା ଦ୍ୱାରା ମା’ଲକ୍ଷ୍ମୀଙ୍କ କୃପା ସର୍ବଦା ରହିବା ସହ ଘରେ କଦାପି ଧନର ଅଭାବ ହୋଇନଥାଏ ।
ବୈବାହିକ ଜୀବନରେ ସମସ୍ୟା ସହ ଅଶାନ୍ତି ଲାଗି ରହୁଥିଲେ, ଏକ କାଚ ଗ୍ଲାସରେ ପାଣି ନେଇ ସେଥିରେ କିଛି ଲୁଣ ମିଶାଇ ଶୟନ କକ୍ଷରେ ରଖି ଦିଅନ୍ତୁ । ୩ ଦିନକୁ ଥରେ ଏହି ପାଣିକୁ ବଦଳାଇ ପୁଣି ଲୁଣ ମିଶ୍ରିତ ପାଣି ରଖନ୍ତୁ । ଏହି କାମ ଆପଣ ଗୁରୁବାର କିମ୍ବା ଶନିବାରରୁ ଆରମ୍ଭ କରି ପାରିବେ । ଏହି ଉପାୟ ଦ୍ୱାରା ଘରେ ଥିବା ବାସ୍ତୁ ଦୋଷ, ସ୍ୱାମୀ-ସ୍ତ୍ରୀଙ୍କ ଝଗଡା, ଧନ ଅଭାବ ଆଦି ସମସ୍ୟା ଦୂର ହୋଇଥାଏ ।
