ନୂଆଦିଲ୍ଲୀ : ଆଜି ଆମେ ଆପଣଙ୍କୁ ଏମିତି ଜଣେ ବ୍ୟକ୍ତିଙ୍କ ସମ୍ପର୍କରେ କହିବୁ ଯିଏ ୧୨ ଥର ବିବାହ କରିଛନ୍ତି ଏବଂ ତାଙ୍କର ୧୦୦ରୁ ଅଧିକ ପିଲା ଅଛନ୍ତି । ୟୁଗାଣ୍ଡାରେ ଜଣେ ବ୍ୟକ୍ତିଙ୍କ ୧୨ ପତ୍ନୀ ୧୦୨ ପିଲାଙ୍କୁ ଜନ୍ମ ଦେଇଛନ୍ତି । ପିଲାଙ୍କ ସଂଖ୍ୟା ଏତେ ଅଧିକ ଯେ ପିତା ଭାବରେ ସେମାନଙ୍କ ନାଁ ମନେ ରଖିବା ତାଙ୍କ ପାଇଁ କାଠିକର ପାଠ ହୋଇଯାଇଛି । ଏଥିପାଇଁ ସେ ଏକ ରେଜିଷ୍ଟର ପ୍ରସ୍ତୁତ କରିଛନ୍ତି ଏବଂ ନାଁ ଲେଖି ରଖିଛନ୍ତି ।
View this post on Instagram
୫୭୮ ନାତି-ନାତୁଣୀ
ପୂର୍ବ ୟୁଗାଣ୍ଡାରେ ମୁକିଜା ଗାଁରେ ବାସ କରୁଥିବା ମୁସା ହସାହ୍ୟା କସେରା ସାମାଜିକ ଗଣମାଧ୍ୟମରେ ନିଜ କାହାଣୀ ସେୟାର କରିଛନ୍ତି । ସେ କେବଳ ୧୦୨ ପିଲାଙ୍କ ବାପା ନୁହଁନ୍ତି ବରଂ ତାଙ୍କର ୫୭୮ ନାତି ନାତୁଣୀ ମଧ୍ୟ ଅଛନ୍ତି । ଏବେ ମୁସାଙ୍କୁ ୭୦ ବର୍ଷ । ନିଜ ପରିବାର ଭରଣ ପୋଷଣ କରିବା ପାଇଁ ତାଙ୍କୁ ଅନେକ କଷ୍ଟ କରିବାକୁ ପଡିଛି । ମୁସାଙ୍କ ପ୍ରତି ପତ୍ନୀ ପ୍ରାୟ ୮-୯ ପିଲାଙ୍କୁ ଜନ୍ମ ଦେଇଛନ୍ତି । ମୁସାଙ୍କ ପ୍ରଥମ ବିବାହ ୧୯୭୨ ମସିହାରେ ହୋଇଥିଲା । ସେବେ ତାଙ୍କୁ ମାତ୍ର ୧୭ ବର୍ଷ ବୟସ ହୋଇଥିଲା । ସେ ଜଣଙ୍କ ପରେ ଜଣେ କରି ୧୨ ମହିଳାଙ୍କୁ ବିବାହ କରିଥିଲେ ।
Comments are closed.