ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ମାଣ୍ଡିଆପଲ୍ଲୀ ପ୍ରେମ ଅଫିସ ପଛପଟ ଏକ ଘରକୁ ମହାରାଷ୍ଟ୍ର ବ୍ୟାଙ୍କ ପକ୍ଷରୁ ଋଣ ଶୁଝି ନପାରିବାରୁ ଘର ସିଲ କରାଯାଇଛି। ସୂଚନା ପ୍ରକାରେ ଘର ମାଲିକ ୨୦୨୦ ମସିହାରେ ବ୍ରହ୍ମପୁରରେ ବ୍ୟାଙ୍କ ଅଫ ମହାରାଷ୍ଟ୍ର ଶାଖାରୁ ପ୍ରାୟ ୧୪ ଲକ୍ଷ ଋଣ ଆଣିଥିଲେ। କିନ୍ତୁ କିଛି ଅର୍ଥ ଜମା ଦେଇଥିଲେ l ୨୦୨୨ ମସିହା ଠାରୁ ଋଣ ବାବଦକୁ ଟଙ୍କା ବ୍ୟାଙ୍କରେ ପୈଠ କରୁନଥିବାରୁ ବ୍ୟାଙ୍କ ପକ୍ଷରୁ ବହୁ ବାର ନୋଟିସ ଜାରି ହୋଇଥିଲା।
ଏ ନେଇ ଜିଲା ମାଜିଷ୍ଟ୍ରେଟଙ୍କ ନିର୍ଦେଶ କ୍ରମେ ଆଜି କନିସି ଆସିଷ୍ଟାଣ୍ଟ ତହସିଲଦାର ଚିତ୍ର ସେନ ଦଳେଇ ମାଜିଷ୍ଟ୍ରେଟ ଦାୟିତ୍ୱରେ ଉପସ୍ଥିତ ଥିବା ବେଳେ ଭୁବନେଶ୍ୱର ଏବଂ ବ୍ରହ୍ମପୁର ମହାରାଷ୍ଟ୍ର ବ୍ୟାଙ୍କର କର୍ମଚାରୀ ଏବଂ ଗୋପାଳପୁର ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ଓ ଏକ ପ୍ଲାଟୁନ ଫୋର୍ସ ରହି ଉକ୍ତ ଘରକୁ ସିଲ କରିଥିଲେ। ଘର ମାଲିକ ୧୫ ଦିନ ସମୟ ମାଗିଥିବା ବେଳେ ଉକ୍ତ ଟଙ୍କା ପୈଠ କରାନଗଲେ ଘରକୁ ନିଲାମ କରାଯିବ ବୋଲି ବ୍ୟାଙ୍କ କର୍ମଚାରୀ ପକ୍ଷରୁ ସୂଚନା ମିଳିଛି।
