ଭୁବନେଶ୍ବର : ରାଜ୍ୟରେ ଶିଳ୍ପ ଅଭିବୃଦ୍ଧିକୁ ଗୁରୁତ୍ବ ଦେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ବାଧିନ ବିଜେପି ସରକାର ଆଜି ୨୫ଟି ପ୍ରକଳ୍ପକୁ ସିଙ୍ଗଲ ଓ୍ବିଣ୍ଡୋ ମଞ୍ଜୁରି ପ୍ରଦାନ କରିଛନ୍ତି । ସୂଚନା ଅନୁଯାୟୀ ରାଜ୍ୟର ୧୧ଟି ଜିଲାରେ ପ୍ରସ୍ତାବିତ ୨୫ଟି ପ୍ରକଳ୍ପକୁ ରାଜ୍ୟସ୍ତରୀୟ ସିଙ୍ଗଲ ଓ୍ବିଣ୍ଡୋ କ୍ଲିୟରାନ୍ସ ଅଥରିଟି ମଞ୍ଜୁରି ପ୍ରଦାନ କରିଥିବା ଜଣାପଡିଛି । ମୁଖ୍ୟ ଶାସନ ସଚିବ ମନୋଜ କୁମାର ଆହୁଜାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ବତନ୍ତ୍ର ବୈଠକରେ ୧୬ଟି ପ୍ରମୁଖ କ୍ଷେତ୍ରରେ ୪ ହଜାର ୨୨୨ କୋଟି ଟଙ୍କାର ପୁଞ୍ଜି ନିବେଶ ନିମନ୍ତେ ସୀକୃତି ପ୍ରଦାନ କରାଯାଇଛି।
ପ୍ରସ୍ତାବିତ ପ୍ରକଳ୍ପଗୁଡିକରେ ୧୪ ହଜାର ୪୯୭ରୁ ଅଧିକ ଲୋକ ନିଯୁକ୍ତି ପାଇବା ନେଇ ସରକାର ଆଶାବାଦୀ ରହିଛନ୍ତି ।
