ଫୁଲବାଣୀ: କନ୍ଧମାଳ ଜିଲାରେ ଥିବା ଶିଶୁ ଯତ୍ନ ଅନୁଷ୍ଠାନର ଛାତ୍ରଛାତ୍ରୀଙ୍କୁ ନେଇ ଜିଲାସ୍ତରୀୟ କ୍ରୀଡା ପ୍ରତିଯୋଗିତା ‘ ଉତ୍ସାହ ‘ ଅନୁଷ୍ଠିତ ହୋଇଯାଇଛି। ଫୁଲବାଣୀ ସ୍ଥିତ କନ୍ଧମାଳ ଷ୍ଠାଡିୟମରେ ଅନୁଷ୍ଠିତ ଦୌଡକୁଦ, ଫୁଟବଲ, କ୍ୟାରମ୍, ଚେସ ପ୍ରଭୃତି ବିଭିନ୍ନ ପ୍ରତିଯୋଗିତାରେ ୧୩ ଅନୁଷ୍ଠାନର ଶତାଧିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ଫୁଟବଲରେ ୭ଟି ଦଳ ଭାଗ ନେଇଥିବା ବେଳେ ଫୁଲବାଣୀ ଉତ୍କଳ ବାଳାଶ୍ରମକୁ ପେନାଲ୍ଟି ସୁଟ ଆଉଟରେ ୪-୩ ଗୋଲରେ ହରେଇ ମଣ୍ଡାସରୁ ଚିଲରେନ୍ ହୋମ୍ ଚାମ୍ପିଅନ ହୋଇଥିଲେ। ସେହିପରି ଚେସ, କ୍ୟାରମ ସହିତ ୧୦୦ ମିଟର, ୨୦୦ ମିଟର, ଲଙ୍ଗ ଜଙ୍ଗ, ହାଇ ଜମ୍ପ ପ୍ରଭୃତି ଇଭେଣ୍ଟରେ ପିଲା ମାନେ ଭାଗ ନେଇଥିଲେ। କ୍ରୀଡା ଦ୍ବାରା ଆମେ ଫିଟ୍ ରହିବା ସହିତ ଟିମ୍ ୱାର୍କ, ଏକତା, ଭାଇଚାରା ବୃଦ୍ଧି କରିବା ଓ ରାଜ୍ୟ ଦେଶ ପାଇଁ ଖେଳି ଗୌରବ ଆଣିପାରିବା ବୋଲି କହିଥିଲେ ବିଶିଷ୍ଟ ବକ୍ତା।
କ୍ରୀଡା ଉତ୍ସବକୁ ଜିଲା ଶିଶୁ କଲ୍ୟାଣ କମିଟି ଅଧ୍ୟକ୍ଷ ରଜତ ଦିଗାଲ ଓ ଜିଲା ସମାଜ ମଙ୍ଗଳ ଅଧିକାରୀ ସରୋଜ ବାଳା ଆଚାର୍ଯ୍ୟ ଉଦଘାଟନ କରିଥିବା ବେଳେ ସିଡ଼ବ୍ଲ୍ୟୁସି ସଦସ୍ୟ ସଦାଶିବ ପାତ୍ର, ରାମଚନ୍ଦ୍ର ପରିଡ଼ା,ମମତା ଦାସ,ପ୍ରସନ୍ନ ବିଷୋୟୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ। ଜିଲ୍ଲା ଶିଶୁ ସୁରକ୍ଷା ଅଧିକାରୀ ରଶ୍ମିତା କରନ କାର୍ଯ୍ୟକ୍ରମକୁ ପରିଚାଳନା କରିଥିଲେ। ଜିଲା କ୍ରୀଡା ଅଧିକାରୀ ସମୀର ନାଏକ,କିଶୋର ନ୍ୟାୟ ବୋର୍ଡ ସଭ୍ୟା ରଞ୍ଜିତା କାମ୍ପ, ସିସିଆଇର ଅନେକ ସମ୍ପାଦକ, ଅଧିକ୍ଷକ, ଏକ୍ସନ୍ ଏଡ୍ ଜିଲା ସଂଯୋଜିକା ସନ୍ଧ୍ୟାରାଣୀ ନାୟକ ପ୍ରମୁଖ ମଧ୍ୟ ଯୋଗ ଦେଇ ଉତ୍ସାହିତ କରିଥିଲେ।
ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀମାନଙ୍କୁ ଟ୍ରଫି ପ୍ରଦାନ କରିଥିଲେ ଅତିଥି ବୃନ୍ଦ। ସମସ୍ତ ଟିମ୍ ମଧ୍ୟରୁ ଫୁଟବଲରେ ଭଲ ପ୍ରଦର୍ଶନ କରିଥିବା ଖେଳାଳିଙ୍କୁ ଚୟନ କରି ଜିଲା ଟିମ୍ ଗଠନ କରି ରାଜ୍ୟ ସ୍ତରରେ ଖେଳିବେ। ସେହିପରି ବିଭିନ୍ନ ଇଭେଣ୍ଟରେ ପ୍ରଥମ ହୋଇଥିବା ପ୍ରତିଯୋଗୀ ରାଜ୍ୟ ସ୍ତରର ପ୍ରତିଯୋଗିତାରେ ଭାଗ ନେବେ। କାର୍ଯ୍ୟକ୍ରମରେ ସମସ୍ତ ଶିଶୁ ଯତ୍ନ ଅନୁଷ୍ଠାନର କର୍ମକର୍ତ୍ତା ସହାୟତା କରିଥିଲେ। ପୁରସ୍କାର ବିତରଣ ଉତ୍ସବ ଶେଷରେ ଡିସିପିୟୁର ଆଇନ୍ ଅଧିକାରୀ ଅଭିରାମ କହଁର ଧନ୍ୟବାଦ୍ ଅର୍ପଣ କରିଥିଲେ।
Comments are closed.