ପଦ୍ମପୁର : ରାୟଗଡା ଜିଲା ପଦ୍ମପୁର ପୁଲିସକୁ ପୁଣି ମିଳିଛି ସଫଳତା। ପଶ୍ଚିମବଙ୍ଗକୁ ବେଆଇନ ଗଞେଇ ଚୋରା ଚାଲାଣ ବେଳେ ମାଡ଼ି ବସିଲା କେନ୍ଦୁଗୁଡା ଫାଣ୍ଡି ପୁଲିସ। ଏହି ଘଟଣାରେ ପୁଲିସ ୨ଜଣଙ୍କୁ ଗିରଫ ପରେ କୋର୍ଟ ଚାଲାଣ କରିଛି। କୌଣସି ସୁତ୍ରରୁ ଖବର ପାଇ ପଦ୍ମପୁର ଥାନା ଆଇଆଇସି ରଞ୍ଜନ କୁମାର ମାଝୀଙ୍କ ନେତୃତ୍ଵରେ ଏକ ଟିମ୍ କେନ୍ଦୁଗୁଡା ଫାଣ୍ଡି ନିକଟରେ ଗାଡ଼ି ଯାଞ୍ଚ କରିବା ସମୟରେ ଏକ ଟ୍ରକ ଦ୍ରୁତ ଗତିରେ ଆସୁଥିବା ସମୟରେ ଅଟକାଇ ଯାଞ୍ଚ କରିଥିଲେ ଏବଂ ସେଠାରୁ ୧୨ଟି ଜରି ଭର୍ତ୍ତି ଅଖାରେ ଗଞ୍ଜେଇ ଜବତ କରିଥିଲେ।
ଗଞ୍ଜେଇ ଗଜପତି ଅଞ୍ଚଳର ଏକ ଜଙ୍ଗଲରୁ ଗଞ୍ଜେଇ ଆଣି ପଶ୍ଚିମବଙ୍ଗ ଚାଲାଣ ହୋଇଥାନ୍ତା ବୋଲି ସୂଚନା ମିଳିଥିବା ବେଳେ ଏହି ଘଟଣାରେ ୨ ଅଭିଯୁକ୍ତକୁ ପୁଲିସ ଗିରଫ କରିଛି ଏବଂ ଆଉ ୨ଜଣ ଫେରାର ଥିବା ଜଣାପଡ଼ିଛି। ଅଭିଯୁକ୍ତମାନଙ୍କ ଠାରୁ ଗୋଟିଏ ମୋବାଇଲ ଫୋନ୍, ଆଧାର କାର୍ଡ, ଡି ଏଲ , ନଗଦ ୧୬ ଶହ ଟଙ୍କା ଜବତ ପୁଲିସ ଜବତ କରିଛି। ଏ ସଂକ୍ରାନ୍ତରେ ପଦ୍ମପୁର ଥାନା ରେ ୧୯/୨୦୨୪ରେ ଏକ ଏନଡିପିଏସ ମାମଲା ରୁଜୁ ହୋଇଛି।
Comments are closed.