ନୀଳଗିରି: ବାଲେଶ୍ୱର ଜିଲା ନୀଳଗିରି କଲେଜରେ ଥିବା ୫ଟି ଷ୍ଟ୍ରଙ୍ଗରୁମରେ ଇଭିଏମ ରଖାଯାଇଛି । କିନ୍ତୁ ଆଜି ରାତିରେ ହଠାତ ସିସିଟିଭି ଅଚଳ ହୋଇ ପଡ଼ିବା ଯୋଗୁ ବାହାରେ ଲଗାଯାଇଥିବା ଟିଭି ପରଦାରେ ଭିତର ଦୃଶ୍ୟ ଦେଖାଯାଉନି । ଯାହା ପାଇଁ ଦଳୀୟ ପ୍ରାର୍ଥୀ ଓ ଏଜେଣ୍ଟମାନେ ଚିନ୍ତାରେ ପଡ଼ି ଯାଇଛନ୍ତି । ପ୍ରତି ମୁହୂର୍ତ୍ତରେ ଦଳୀୟ ଏଜେଣ୍ଟ ଓ ପ୍ରାର୍ଥୀମାନେ ଇଭିଏମ୍ର ଦୃଶ୍ୟକୁ ଲକ୍ଷ୍ୟ ରଖି ଚାଲିଛନ୍ତି । କିନ୍ତୁ ହଠାତ ଏଭଳି ଅଚଳ ଘଟଣା ସେମାନଙ୍କୁ ସନ୍ଦେହରେ ପକାଇ ଦେଇଛି । ଯାହାପାଇଁ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ଏଠାରେ ଇଭିଏମ ଜାଲିଆତି କରାଯିବାକୁ ନେଇ ମଧ୍ୟ କେତେକ ଅଭିଯୋଗ ଆଣିଛନ୍ତି ।
ଷ୍ଟ୍ରଙ୍ଗରୁମ ସାମ୍ନାରେ ଗଙ୍ଗାଧର ମିଶ୍ର, ଅବିନାଶ ନାୟକ, ନଟୁ ସରକାର, ଲିପନ ମହାପାତ୍ର, ରଞ୍ଜିତ ପ୍ରଧାନ, ଶମ୍ଭୁ ବେହେରା, ଜୁଳ ଖଟୁଆ, ରଞ୍ଜନ ବେହେରା ପ୍ରମୁଖ ବହୁ ଦଳୀୟ ଏଜେଣ୍ଟ ଓ ସମର୍ଥକଙ୍କ ଭିଡ଼ ଲାଗି ରହିଥିବା ଦେଖିବାକୁ ମିଳିଛି । ଘଣ୍ଟେ/ଦୁଇଘଣ୍ଟା ଧରି ସିସି କ୍ୟାମେରା ଅଚଳ ହୋଇ ପଡ଼ିଥିଲେ ହେଁ ମରାମତି ବ୍ୟବସ୍ଥା କରାଯାଉନଥିବା ଯୋଗୁ ସମ୍ପ୍ରତି ସେଠାରେ ହୋହଲ୍ଲା ପରିସ୍ଥିତି ଉପୁଜିଛି ।
Comments are closed.