ନୂଆଦିଲ୍ଲୀ : କେନ୍ଦ୍ରୀୟ ଲୋକସେବା ଆୟୋଗ (ୟୁପିଏସସି) ପରିଚାଳିତ ସାଧାରଣ ପ୍ରଶାସନିକ ସେବା ପାଇଁ ଆଶାୟୀ ପ୍ରାର୍ଥୀଙ୍କ ଲାଗି ଖୁସି ଖବର। କାରଣ ୟୁପିଏସସି ପରିଚାଳିତ ସାଧାରଣ ପ୍ରଶାସନିକ ସେବା ପରୀକ୍ଷା ପାଇଁ ଆବେଦନ କରୁଥିବା ପ୍ରାର୍ଥୀ ଏଣିକି ଇଚ୍ଛା କଲେ ନିଜର ଆବେଦନପତ୍ର ପ୍ରତ୍ୟାହାର କରିନେଇ ପାରିବେ। ଆୟୋଗଙ୍କ କହିବା ଅନୁଯାୟୀ ଆବେଦନ ପତ୍ର ଦାଖଲ କରୁଥିବା ପ୍ରାର୍ଥୀଙ୍କ ମଧ୍ୟରୁ ୫୦% ପ୍ରାର୍ଥୀ ପରୀକ୍ଷା ଦେଇଥାନ୍ତି। ତେଣୁ ପରୀକ୍ଷା ଦେବାକୁ ଆଗ୍ରହୀ ନଥିବା ପ୍ରାର୍ଥୀ ନିଜର ଆବେଦନ ପତ୍ର ପ୍ରତ୍ୟାହାର କରିନେଇ ପାରିବେ। ଏଥିପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ୫୦% ପ୍ରାର୍ଥୀ ପରୀକ୍ଷା ଦେଉ ନଥିବା ବେଳେ ସେମାନଙ୍କ ପାଇଁ ପ୍ରଶ୍ନପତ୍ର ମୁଦ୍ରଣ, ପରୀକ୍ଷା କେନ୍ଦ୍ର ଭଡା, ନିରୀକ୍ଷକ ନିଯୁକ୍ତି ଓ ପ୍ରଶ୍ନପତ୍ର ପରିବହନ ଆଦି ଦିଗରେ ଯେଉଁ ଅର୍ଥ ଓ ଶ୍ରମ ବିନିଯୋଗ ହେଉଛି ତାହା କେବଳ ଅପଚୟ ହେଉଛି। ତେଣୁ ପ୍ରକୃତ ଓ ବାସ୍ତବ ପ୍ରାର୍ଥୀଙ୍କୁ ମନୋନୟନ କରାଯାଇପାରିଲେ ସେମାନଙ୍କୁ ଉନ୍ନତ ସୁବିଧାସୁଯୋଗ ଯୋଗାଇ ଦିଆଯାଇପାରିବ ବୋଲି ଆୟୋଗ ଅଧ୍ୟକ୍ଷ କହିଛନ୍ତି। ନିୟମ ଅନୁଯାୟୀ ୟୁପିଏସସି ପରୀକ୍ଷା ଲାଗି ଜଣେ ପ୍ରାର୍ଥୀ ୬ଥର ଆବେଦନ କରିପାରିବେ।
Popular Categories
Previous article
Next article