ଗୁରୁଡିଝାଟିଆ: ମାଧବପୁରସ୍ଥିତ ଗୋପବନ୍ଧୁ ଆୟୁର୍ବିଜ୍ଞାନ ଓ ଗବେଷଣା ପ୍ରତିଷ୍ଠାନ (ଜିମସାର) ପରିସରରୁ ଚୋରି ହୋଇଥିବା ଉଚ୍ଚ ଶକ୍ତି ସଂପନ୍ନ ସମର ସିବୁଲ ପାଣିମଟରକୁ ପୁଲିସ ଜବତ କରିବା ସହ ଏହା ଚୋରି କରିଥିବା ଅଭିଯୋଗରେ ୨ଜଣଙ୍କୁ ଗିରଫ ପରେ କୋର୍ଟ ଚାଲାଣ କରିଛି। ଖୁଣ୍ଟୁଣୀ ଥାନା ଅଧିକାରୀ ଭବାନୀ ଶଙ୍କର ଖୁଣ୍ଟିଆ ଜିମସାରରେ ପାଣିମଟର ଚୋରି ଘଟଣାକୁ ଗୁରୁତର ସହିତ ନେଇଥିଲେ। ଚୌଦ୍ୱାର ଏସଡିପିଓ ଉମାକାନ୍ତ ନାୟକଙ୍କ ପ୍ରତ୍ୟେକ୍ଷ ସୁପରିଚାଳନାରେ ଉପନିରୀକ୍ଷକ ଡଃ ବିକାଶ ଚନ୍ଦ୍ର ସେଠୀ ଓ ଅନ୍ୟ ପୁଲିସ ଅଧିକାରୀମାନେ ଚୋରି ମଟରକୁ ଠାବ କରିବା ଓ ଅଭିଯୁକ୍ତମାନଙ୍କୁ ଧରିବା ପାଇଁ ଜାଲ ବିଛାଇଥିଲେ।
ବିଶ୍ୱସ୍ତ ସୁତ୍ରରୁ ଖବର ପାଇ ପୁଲିସ ପାଣି ମଟର ଚୋରି କରିଥିବା ମହାକାଳବସ୍ତ ଗ୍ରାମର ନବଜେନାଙ୍କ ପୁଅ ସିଲୁଜେନା(୩୦) ଓ ମାଧବପୁର ଗ୍ରାମର ସ୍ୱର୍ଗତ ସଞ୍ଜୟ ନାଏକ ପୁଅ କ୍ରିଷ୍ଣକାନ୍ତ ନାଏକଙ୍କ ଘରେ ଅତର୍କିତ ଭାବେ ଚଢାଉ ସହ ଉଭୟଙ୍କୁ ଗିରଫ କରିଥିଲା। ସେମାନେ ଜେରା କଲାପରେ ଚୋରି କରିନେଇଥିବା ପାଣିମୋଟରକୁ ପୁଲିସ ଜିମା ଦେଇଥିଲେ। ଅଭିଯୁକ୍ତଦ୍ୱୟଙ୍କ ପୁଲିସ ଗିରଫ ପରେ କୋର୍ଟ ଚାଲାଣ କରିଛି।
Comments are closed.