ଗୋପାଳପୁର : ଗୋପାଳପୁର ପୁଲିସ ପକ୍ଷରୁ ବହାଦୁରପେଟାରେ ଏକ ଜୁଆଆଡ୍ଡା ଉପରେ ଚଡାଉ କରି ସେଠାରୁ ୮୦ ହଜାର ୮୪୦ ଟଙ୍କା, ଗୋଟିଏ ତାସ କାଟା, ଗୋଟିଏ ମେଟ, ମୋବାଇଲ ଜବତ କରିବା ସହ ୫ ଜଣ ଜୁଆଡ଼ିକୁ କାବୁ କରିଥିଲା। ରାମଚନ୍ଦ୍ରପୁର, ଡୁରା ଜାତୀୟ ରାଜପଥରେ ପୁଲିସ ପାଟ୍ରୋଲିଂ କରୁଥିବା ସମୟରେ ବହାଦୁରପେଟାରେ ଜୁଆ ଖେଳ ଚାଲିଥିବା ପୁଲିସ ଖବର ପାଇ ସେଠାରେ ଚଢ଼ାଉ କରି ଥିଲା l ସଦର ଏସଡ଼ିପିଓ ଓ ଥାନା ଅଧିକାରୀଙ୍କ ନିର୍ଦେଶ କ୍ରମେ ସେଠାରେଚଢ଼ାଉ ହୋଇଥିଲା। ବହାଦୁରପେଟା ଏକ ଖୋଲା ସ୍ଥାନରେ ପ୍ରାୟ ୧୨ ଜଣ ଜୁଆ ଖେଳୁ ଥିବା ବେଳେ ପୁଲିସ ଗାଡ଼ିକୁ ଦେଖି ଦୌଡି ଚାଲିଯିବାକୁ ଉଦ୍ୟମ କରିଥିଲେ। ତେବେ ସେମାନଙ୍କ ମଧ୍ୟରୁ ପୁଲିସ ୫ ଜଣ ଜୁଆଡ଼ିକୁ ଧରିବାରେ ସଫଳ ହୋଇଥିଲା। ଏହା ସହିତ ସେଠାରୁ ଟଙ୍କା, ତାସ, ମେଟ, ମୋବାଇଲ ଜବତ କରିଥିଲା l ଏ ନେଇ ଥାନା କେସ ନମ୍ବର ୩୬/୨୫ ମାମଲା ରୁଜୁ ପରେ ଅଭିଯୁକ୍ତମାନଙ୍କୁ ଜାମିନରେ ଛାଡ଼ିଦେଇଥିବା ପୁଲିସ କହିଛି ।
