ସମାଜ ଡିଜିଟାଲ ଡେସ୍କ: ନୂଆ ଓଡ଼ିଆ ସିନେମା ‘ଲାଡ୍ଡୋ’ର ଶୁଭ ମହୁରତ ଅନୁଷ୍ଠିତ ହୋଇଯାଇଛି । ପଟିଆସ୍ଥିତ ସାଇ ମନ୍ଦିର ପରିସରରେ ଆୟୋଜିତ ଏହି ମହୁରତ ଉତ୍ସବରେ ଅଭିନେତା ଅଶ୍ରୁମୋଚନ ମହାନ୍ତି, କେ.କେ., ଅର୍ଲିନ ଅଙ୍କିତା, ଶୁଭମ ସାଗର ପ୍ରମୁଖ ଉପସ୍ଥିତ ଥିଲେ।
ନିର୍ଦ୍ଦେଶକ ସନ୍ତୋଷ ବିଶ୍ୱାଳଙ୍କ ନିର୍ଦ୍ଦେଶନାରେ ଏ ସିନେମାଟିର ଶୁଟିଂ ଖୁବଶୀଘ୍ର ଆରମ୍ଭ ହେବାକୁ ଯାଉଛି। ସତ୍ୟଭାମା ସିନେ ପ୍ରଡକ୍ସନ ନିବେଦିତ ସିନେମାର କାହାଣୀ ମୁଖ୍ୟତଃ ଜଙ୍ଗଲ ଓ ପରିବେଶ ସହ ସଂଶ୍ଲିଷ୍ଟ। ସିନେମାରେ ସମାଜକୁ ଜଙ୍ଗଲ ଓ ପରିବେଶର ସଚେତନତା ବାର୍ତ୍ତା ବାଣ୍ଟିବେ ନିର୍ଦ୍ଦେଶକ। ସିନେମାର ଅଭିନେତା କେ.କେ, ଟିଲୁ ଭାଇ, ଜ୍ଞାନ, ଅର୍ଲିନ ଅଙ୍କିତା ପ୍ରମୁଖ କଳାକାର ନିଜ ଚରିତ୍ରକୁ ନେଇ ଖୁସି ବ୍ୟକ୍ତ କରିବା ସହ କାହାଣୀକୁ ନେଇ ଖୁସି ଥିବା କହିଛନ୍ତି।
