ହାଇଓ୍ବା ଧକ୍କାରେ ପୂର୍ବତନ ସରପଞ୍ଚଙ୍କ ମୃତ୍ୟୁ

ରାଜନଗର : ରାଜନଗର ବ୍ଲକ ବାଇପାସ୍ ରାସ୍ତାର ଦଳିତ ବସ୍ତି ନିକଟରେ ହାଇଓ୍ବା ଧକ୍କାରେ ପୂର୍ବତନ ସରପଞ୍ଚ ରବିନ୍ଦ୍ରନାଥ ନାୟକଙ୍କ ମୃତ୍ୟୁ ଘଟିଛି। ଦିନ ପ୍ରାୟ ୧୧ଟା ସମୟରେ ସେ ବାଇକ୍ ଯୋଗେ ରାଜନଗର ବଜାରକୁ ଆସୁଥିଲେ। ଦଳିତ ବସ୍ତି ନିକଟରେ ଏକ ହାଇଓ୍ବା (ଓଡି୨୧-ଜି-୦୨୨୬) ଦ୍ରୁତ ଗତିରେ ଆସି ପଛପଟୁ ଧକ୍କା ଦେଇଥିଲା ଓ କିଛି ବାଟ ଘୋଷାରି ନେଇଥିଲା । ଦୁର୍ଘଟଣାରେ ତାଙ୍କର ମୃତ୍ୟୁ ହେବା ସହ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଉତ୍ତ୍ୟକ୍ତ ଲୋକେ ହ°ସୁଆ ସେତୁ ନିକଟରେ ଟାୟାର ଜାଳି ରାସ୍ତା ଅବରୋଧ କରିଥିଲେ। ତହସିଲଦାର ଅଜୟ କୁମାର ମହାନ୍ତି, ଏସଡିପିଓ କ୍ଷମା ସାଗର ପଣ୍ଡା, ଆଇଆଇସି ନରେଶ କୁମାର ସାହୁ ପ୍ରମୁଖ ଘଟଣାସ୍ଥଳରେ ପହଂଚି ବୁଝାଇ ରାସ୍ତାରୋକ ହଟିଥିଲା । ଦୁର୍ଘଟଣା ଘଟିବା ପରେ ହାଇଓ୍ବା ଡ୍ରାଇଭର ଫେରାର ଅଛି । ଜିଲ୍ଲା ରେଡ଼କ୍ରସ ପାଣ୍ଠିରୁ ମୃତ ରବିନ୍ଦ୍ରଙ୍କ ପରିବାରକୁ ୩୦ ହଜାର ଟଙ୍କା ସହାୟତା ପ୍ରଦାନ କରାଯାଇଛି।