ସାହାରପଡାରେ ବ୍ଲକସ୍ଥରୀୟ ମାଘେ ପରବ ପାଳିତ

ପାଟଣା: ଆଜି ସାହାରପଡା ଚୁନୁସାହି ପଡିଆରେ ବ୍ଲକସ୍ଥରୀୟ ମାରାଂ ମାଗେ ଜୁମୁର – ୨ ବା ‘ମାଘେ ପରବ’ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଓଡିଶା ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ଯୋଗ ଦେଇଥିଲେ। ସମ୍ମାନୀତ ଅତିଥି ଭାବେ କରଞ୍ଜିଆ ନିର୍ବାଚନ ମଣ୍ଡଳୀ ବିଧାୟକ ପଦ୍ମଚରଣ ହାଇବ୍ରୁ, ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଓ ବିଜେପି ଜିଲ୍ଲା ସଭାପତି ଶୁକଦେବ ମହାନ୍ତ ପ୍ରମୁଖ ଉପସ୍ଥିତ ଥିଲେ। ଅନ୍ୟତମ ଅତିଥି ଭାବେ ସାହାରପଡା ବ୍ଲକର ପୂର୍ବତନ ବ୍ଲକ ଅଧ୍ୟକ୍ଷ ଗୌତମ ନାଏକ, ସାହାରପଡା ସରପଞ୍ଚ ପଦ୍ମଲୋଚନ ନାଏକ, ହୋ ସମାଜର ବିଶିଷ୍ଟ କବି ପାଇକ ରାୟ ଚାମ୍ପିଆ, ହୋ ନେତା ମାନଗୋବିନ୍ଦ ମୁଣ୍ଡା ଓ ଖଡ଼ିକା ପଦା ପଞ୍ଚାୟତର ପୂର୍ବତନ ସରପଞ୍ଚ ସୁରେନ୍ଦ୍ର ମାଝୀ ପ୍ରମୁଖ ଉପସ୍ଥିତ ରହି ନିଜ ନିଜର ବକ୍ତବ୍ୟ ରଖିଥିଲେ। ମନ୍ତ୍ରୀ ତାଙ୍କ ଅଭିଭାଷଣରେ ଆଦିବାସୀ ମାନେ ପ୍ରକୃତିର ସନ୍ତାନ ଓ ସେମାନେ ପ୍ରକୃତିକୁ ଛାଡି ବଞ୍ଚି ପାରିବେ ନାହିଁ ବୋଲି କହିବା ସହିତ ଜଙ୍ଗଲ ସୁରକ୍ଷାକୁ ଗୁରୁତ୍ୱ ଦେଇଥିଲେ। ଆଦିବାସୀ ମାନଙ୍କ ବିଭିନ୍ନ ପର୍ବ ପର୍ବାଣି ମଧ୍ୟରେ ମାଘେ ପରବକୁ ଶ୍ରେଷ୍ଠ ଆଖ୍ୟା ଦେଇଥିଲେ। ଶେଷରେ ବିଭିନ୍ନ ପଞ୍ଚlୟତର ଗୋଷ୍ଠୀଙ୍କୁ ମନ୍ତ୍ରୀ ପୁରସ୍କାର ଓ ମାନପତ୍ର ପ୍ରଦାନ କରିଥିଲେ। ତାପରେ ହୋ ସମ୍ପ୍ରଦାୟର ପାରମ୍ପରିକ ନାଗରା ନାଚ ଅନୁଷ୍ଠିତ ହୋଇଥିଲା।