ସଫା, ଚମକପ୍ରଦ ଓ ଦାଗହୀନ ତ୍ୱଚା ପାଇଁ ସଭିଁଙ୍କ ଇଚ୍ଛା । ମାତ୍ର ତ୍ୱଚାରେ ବ୍ରଣ ସହ ବିଭିନ୍ନ ଦାଗ ସୃଷ୍ଟି ହେଲେ ଏହା ସଭିଁଙ୍କ ପାଇଁ ମୁଣ୍ଡ ବିନ୍ଧାର କାରଣ ପାଲଟିଥାଏ । ଏଥିପାଇଁ ଯୁବକ ହୁଅନ୍ତୁ ଅଥବା ଯୁବତୀ ବିଭିନ୍ନ କ୍ରିମ୍ ବ୍ୟବହାର କରିବା ସହ ଅନ୍ୟାନ୍ୟ ଘରୋଇ ଉପାୟ ମଧ୍ୟ ଆପଣାଇ ଥାନ୍ତି । ମାତ୍ର ତ୍ୱଚାରେ କେଉଁ କାରଣରୁ ବ୍ରଣ ଓ ଦାଗ ସୃଷ୍ଟି ହୁଏ ଜାଣନ୍ତୁ । ଏଭଳି କିଛି ଭିଟାମିନ୍ ରହିଛି, ଯାହାର ଅଭାବ ହେବା ଦ୍ୱାରା ତ୍ୱଚାରେ ବ୍ରଣ ଓ ଦାଗ ହୋଇଥାଏ ।
ଶରୀରରେ ଭିଟାମିନ୍ ସି ଅଭାବ ହେବା ଦ୍ୱାରା ତ୍ୱଚାରେ ବ୍ରଣ ସୃଷ୍ଟି ହୋଇଥାଏ । ଭିଟାମିନ୍ ସିର ସେବନ ଦ୍ୱାରା ତ୍ୱଚା ନରମ, ଉଜ୍ଜ୍ୱଳ ଓ ଦାଗହୀନ ହୋଇଥାଏ । ଶରୀରରେ ଭିଟାମିନ୍ ସି ଅଭାବ ପୂରଣ କରିବା ପାଇଁ କମଳା, ଅଁଳା, ମୋସମ୍ବୀ, ଲେମ୍ବୁ ଆଦି ସେବନ କରନ୍ତୁ ।
ଭିଟାମିନ୍ ଏ ତ୍ୱଚାକୁ ସୁସ୍ଥ ରଖିଥାଏ । ଭିଟାମିନ୍ ଏ ଅଭାବ ହେଲେ ମଧ୍ୟ ତ୍ୱଚାରେ ଦାନା ଦାନା ଭଳି ସୃଷ୍ଟି ହେବା ସହ ବ୍ରଣ ହୋଇଥାଏ । ଭିଟାମିନ୍ ଏର ଅଭାବ ଦୂର ପାଇଁ ଗାଜର, ବିଟ୍, ପାଳଙ୍ଗ ଆଦି ସେବନ କରନ୍ତୁ ।
ସୁସ୍ଥ ତ୍ୱଚା ପାଇଁ ଭିଟାମିନ୍ ଡି ମଧ୍ୟ ଜରୁରୀ । ଭିଟାମିନ୍ ଡି ଅଭାବ ଦୂର ପାଇଁ କ୍ଷୀର, ମାଛ, ଅଣ୍ଡା, ଛତୁ ଆଦି ନିଜ ଖାଦ୍ୟରେ ସାମିଲ କରନ୍ତୁ ।
ସେହିପରି ଭିଟାମିନ୍ ଇ ତ୍ୱଚାକୁ ଦାଗହୀନ ଓ ଚମକ ବୃଦ୍ଧି କରିଥାଏ । ବାଦାମ ସହ ବିଭିନ୍ନ ପ୍ରକାର ଡ୍ରାଏ ଫ୍ରୁଟ୍ସ ଖାଇବା ଦ୍ୱାରା ଭିଟାମିନ୍ ଇ ଅଭାବ ଦୂର ହୋଇଥାଏ।
ଭିଟାମିନ୍ ବି ମଧ୍ୟ ତ୍ୱଚା ପାଇଁ ଜରୁରୀ। ତେଣୁ ଡାଲି, ଭାତ ଆଦି ଖାଇବା ଦ୍ୱାରା ଭିଟାମିନ୍ ବି ଅଭାବ ଦୂର ହୋଇଥାଏ।
ଦେଖନ୍ତୁ ଭିଡିଓ; କେମିତି ହଠାତ୍ କ୍ଲିନିକ୍ରେ ଆକ୍ରମଣ କରି ଯୁବକଙ୍କୁ କ୍ଷତାକ୍ତ କଲା କୁୁକୁର..
Comments are closed.