ଦେଖନ୍ତୁ ଭିଡିଓ; କେମିତି ହଠାତ୍ କ୍ଲିନିକ୍ରେ ଆକ୍ରମଣ କରି ଯୁବକଙ୍କୁ କ୍ଷତାକ୍ତ କଲା କୁୁକୁର..
ନୂଆଦିଲ୍ଲୀ : ପଶୁ ଚିକିତ୍ସା କ୍ଲିନିକ୍ରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଭିଡିଓଟି ଭୟଭୀତ କରିବା ସହ ଦ୍ରୁତ ଗତିରେ ଭାଇରାଲ୍ ହେଉଛି, ଏହାସହ ସଭିଁଙ୍କ ଧ୍ୟାନକୁ ମଧ୍ୟ ଆକର୍ଷିତ କରୁଛି । ଭିଡିଓରେ ଦେଖିପାରିବେ, ଏକ କୁୁକୁର କ୍ଲିନିକ୍ରେ ବସିଥିବା ୨ ଜଣଙ୍କ ମଧ୍ୟରୁ ଜଣଙ୍କ ଉପରେ ହଠାତ୍ ଆକ୍ରମଣ କରୁଛି । ଏହି ଘଟଣା କେଉଁ ସ୍ଥାନର ତାହାର ସ୍ପଷ୍ଟତା ମିଳି ନାହିଁ । ଏକ୍ସରେ ଶେୟାର କରାଯାଇଥିବା ଏହି ଭିଡିଓ ଦେଖି ଯେ କେହି ମଧ୍ୟ ଭୟଭୀତ ହୋଇ ଯିବେ । କୁୁକୁର ଆକ୍ରମଣର ଏହି ଭିଡିଓ ପୋଷା କୁୁକୁର ଠାରୁ ମଧ୍ୟ ସାବଧାନ ରହିବା ପାଇଁ ସୂଚନା ଦେଉଛି । କୁକୁର ଆକ୍ରମଣର ସମ୍ପୂର୍ଣ୍ଣ ଭିଡିଓ ସିସିଟିଭିରେ କଏଦ ହୋଇଛି । ଭିଡିଓଟି ୧୧ ଫେବୃଆରୀ ୨୦୨୫ରେ ଭାଇରାଲ୍ ହୋଇଛି ।
Pet Dog attacks on a Guy who was Playing with the Dog inside Clinic
pic.twitter.com/PAZaXZRoqS— Ghar Ke Kalesh (@gharkekalesh) February 14, 2025
ଭିଡିଓରେ ଦେଖିପାରିବେ, ପଶୁ ଚିକିତ୍ସା କ୍ଲିନିକ୍ରେ ୨ ଜଣ ବସିଛନ୍ତି । ସେହି ସମୟରେ କୁକୁରଟି ଜଣେ ଯୁବକଙ୍କ ନିକଟକୁ ଯାଉଛି । ତାଙ୍କ ସହ ଖେଳିବାକୁ ମଧ୍ୟ ଲାଗୁଛି । ଖେଳିବା ପରେ ହଠାତ୍ କୁକୁରଟି ଯୁବକଙ୍କ ଉପରେ ଆକ୍ରମଣ କରୁଛି । ଯୁବକ ଜଣକ ଅନେକ ଚେଷ୍ଟା କରି କୁୁକୁରକୁ ବାହାରକୁ ନେଉଛନ୍ତି । କୁୁକୁରଟି ଯୁବକଙ୍କ ହାତକୁ କାମୁଡି କ୍ଷତାକ୍ତ କରିଥିବା ଦେଖାଯାଉଛି । ଅନ୍ୟ ଜଣେ ଯୁବକ କୁୁକୁର ଆକ୍ରମଣ କରିବା ମାତ୍ରେ ସେଠାରୁ ପଳାଇ ଯାଉଛନ୍ତି। ଭିଡିଓ ଭାଇରାଲ୍ ହେବା ପରେ ଲକ୍ଷ ଲକ୍ଷ ଲୋକେ ଏହାକୁ ଦେଖିବା ସହ ଭିନ୍ନ ଭିନ୍ନ ମତ ଦେଉଛନ୍ତି।
Comments are closed.