ଯେଉଁମାନେ ମିଠାପ୍ରେମୀ, ସେମାନଙ୍କୁ ବିଭିନ୍ନ ଖାଦ୍ୟରେ ଚିନି ବ୍ୟବହାର କରିବା ଖୁବ୍ ପସନ୍ଦ । ମାତ୍ର ସ୍ୱାସ୍ଥ୍ୟ ପାଇଁ ଏହା ଉପକାରୀ ନୁହେଁ । ଚିନି ଦୈନିକ ହେଉ କିମ୍ବା ଆବଶ୍ୟକତା ଠାରୁ ଅଧିକ ମାତ୍ରାରେ ସେବନ କରିବା ଦ୍ୱାରା ମୋଟାପଣ, ମଧୁମେହ, ଉଚ୍ଚ କୋଲେଷ୍ଟେରୋଲ୍, ହୃଦଘାତ ଜନିତ ରୋଗ ହେବାର ସମ୍ଭାବନା ଅଧିକ ଥାଏ । ମାତ୍ର ଆପଣ ହୁଏତ ଜାଣିନଥିବେ, ପ୍ରାୟ ୧ ମାସ ପର୍ଯ୍ୟନ୍ତ ଚିନି କିମ୍ବା ଚିନିରେ ପ୍ରସ୍ତୁତ ଜିନିଷ ନଖାଇବା ଦ୍ୱାରା ଶରୀରକୁ ଏସବୁ ଲାଭ ମିଳିଥାଏ ।
ଚିନିରେ କ୍ୟାଲୋରୀ ଅଧିକ ରହିଥାଏ। ଯାହା ଶରୀରକୁ କୌଣସି ପୋଷଣ ପ୍ରଦାନ କରିନଥାଏ। ମାତ୍ର ଓଜନ ବୃଦ୍ଧି କରିଥାଏ । ଏକ ମାସ ପର୍ଯ୍ୟନ୍ତ ଚିନି ସେବନ ନକଲେ କ୍ୟାଲୋରୀ ହ୍ରାସ ହୋଇଥାଏ। ଓଜନ ନିୟନ୍ତ୍ରଣ ହୋଇ ରହିଥାଏ । ବିଶେଷ କରି ପେଟ ଓ ଅଣ୍ଟା ନିକଟରେ ଜମାଟ ବାନ୍ଧୁଥିବା ଚର୍ବି ହ୍ରାସ ହୋଇଥାଏ। ଚିନି ବଦଳରେ ଫଳ ଖାଇପାରିବେ।
ଚିନି ସେବନ ରକ୍ତରେ ଶର୍କରାର ମାତ୍ରାକୁ ଦ୍ରୁତ ଗତିରେ ବୃଦ୍ଧି କରିଥାଏ । ଫଳରେ ଶରୀରରେ ଇନ୍ସୁଲିନ୍ ସ୍ତର ସଠିକ୍ ରହିନଥାଏ । ଚିନି ନଖାଇବା ଦ୍ୱାରା ରକ୍ତରେ ଶର୍କରାର ମାତ୍ରା ସଠିକ୍ ରହିଥାଏ । ମଧୁମେହ ରୋଗୀଙ୍କ ପାଇଁ ଏହା ଲାଭଦାୟକ ହେବା ସହ ସହଜରେ ମଧୁମେହ ରୋଗରେ ଆକ୍ରାନ୍ତ ହୁଅନ୍ତି ନାହିଁ ।
ଚିନିର ସେବନ ଦ୍ୱାରା ତ୍ୱଚାରେ ବ୍ରଣ, ଦାଗ ଓ ସମୟ ପୂର୍ବରୁ ମୁହଁରେ କୁଞ୍ଚନ ହୋଇଥାଏ । ତ୍ୱଚାର କୋମଳତା ଓ ଚିକ୍କଣ ଅଂଶକୁ ଏହା ନଷ୍ଟ କରିଥାଏ । ୧ ମାସ ପର୍ଯ୍ୟନ୍ତ ଚିନି ନଖାଇବା ଦ୍ୱାରା ତ୍ୱଚା ସଫା, ଚମକପ୍ରଦ ଓ ସୁସ୍ଥ ରହିଥାଏ ।
୧୨ ବର୍ଷ ପରେ ସୂର୍ଯ୍ୟ-ବୃହସ୍ପତି ହେବେ ଏକାଠି ; ଏହି ରାଶି ହେବେ ଭାଗ୍ୟଶାଳୀ, ହଠାତ୍ ମିଳିବ ଧନ, ହେବ ବିବାହ
ଚିନି ଖାଇବା ଦ୍ୱାରା ତୁରନ୍ତ ଶକ୍ତି ମିଳେ ମାତ୍ର କିଛି ସମୟ ପରେ ଥକ୍କାପଣ, ଦିନଯାକ କାମ କରିବାକୁ ଆଗ୍ରହ ହୋଇନଥାଏ । ଏକାଗ୍ରତା କମ୍ ହୋଇଥାଏ ।
ଚିନିର ଅଧିକ ସେବନ କରିବା ଦ୍ୱାରା ମାନସିକ ଚିନ୍ତା, ଚିନ୍ତାଧାରାରେ ପରିବର୍ତ୍ତନ ହୋଇଥାଏ । ହରମୋନ ଅସନ୍ତୁଳନ ହୋଇଥାଏ । ରାତିରେ ଭଲ ନିଦ ହୋଇନଥାଏ । ଅନିଦ୍ରା ସମସ୍ୟା ଲାଗି ରହେ ।
Comments are closed.